渡邊屋

Open Now

Now Closed

本來一心諗住嚟到九龍城一定係食泰國嘢，點知同朋友行行吓，見到有呢一間裝修好有特色嘅日式壽司店，就即刻被吸引，佢嘅門面真係勁似日本啲家庭式壽司小店咁樣，超有儀式感。坐到入嚟之後，覺得店員都好有禮貌，而且師傅就好專心咁樣去壽司枱嗰度準備緊食物客人，我哋食完呢餐都覺得係一個幾好嘅體驗！三色海膽盛don真係超豐富，一上枱就已經用咗唔少時間打卡，之後食落每一份魚生都好新鮮，而且厚度剛剛好。另外就係個火灸左口魚邊壽司，滿滿嘅肥美，入口即溶。不過最令我讚嘆嘅，都係個原條鰻魚壽司，真係可以成條咁樣上，超級震撼！