Sofi PASTA Co.

Open Now

Now Closed

第一日開張試咗第一次，之後想試第二次，今次卒之試到，之前見好多人排隊，果然好食嘅係會吸引到其他人黎。今次特登要早去攞位，好彩有位，但係其實預咗食物要等，一間咁細間嘅餐廳或cafe，仲要係用心製作，計返客人同店員嘅比例，閒閒地等20分鐘都不為過。估唔到食完之後，走嘅時候又係排曬長龍。食物方面，今次個前菜同上次一樣，但係味道差咗，今次餐牌上冇咗牛肉嗰款意粉，所以就試carbonara，意粉係麻花卷粉，唔係普通意粉，煙腩肉除咗面頭幾塊，仲有細粒，好有誠意。因為預左要等，所以加甜品食住先，迷你巴斯克蛋糕，味道黎講其實冇咩特別，只不過你睇得出店主對擺盤係有要求。總佢嚟講係好食嘅，不過香港搵食艱難。睇下有冇機會食第三次。