和興飯店 (Closed)

今日放左工無無聊聊去左油麻地報考車牌,報完又見無咩野做咪去左廟街食煲仔飯,去廟街都係想坐係街度享受一番風味,點知落左去興記啊無開街邊d檯,四季門口又貼住休息一天,(聽人講好似話走軌抄牌之類),後來行到街中間,見到有間和興飯店,都有煲仔飯喎,又試下囉!但唔知點解佢地又有係街開到檯既哩?當時係8:30,等左接近15分鐘到,差唔多啦,因為都ok多人!我叫既係傳統既臘腸滑雞煲仔飯,$28......平時係其他果幾間好似$25咁上緊...不過呢煲好似大煲好多咁,同埋有d炸蒜係面,開蓋果陣,真係好香!加左炸蒜,好香!雞既肉質好滑..唔錯!食到咁上下,我都差唔多埋單走人,因為好似霸住人張4人檯咁,正準備埋單之際,突然間d店員個個都急急腳咁收檯淨,原來有四個好似食環處既職員係樹抄牌,呢d環境真係好日都唔遇一次,又俾我遇到!個店員就好緊張咁同我講唔好意思,抄緊牌,可唔可以入去里面坐?我都食飽囉,緊係埋單閃人!廟街文化風味果然一絕!