老Come煎餅

Open Now

Now Closed

今日冇節目，所以落屋企樓下找外賣返屋企食，咁岩聞到依間煎餅好香，所以就試一試。依間餐廳主打新派京式煎餅，咁我當然叫左應該係最出名、招牌菜的北京烤鴨煎餅，細份其實都夠，食完唔會肚餓，因為真係相當足料。我個人覺得個煎餅最加分的關鍵係店主加左薄脆，可以令到個煎餅有口感，因為其他材料都係軟身，即使係青瓜都唔會好硬，加左薄脆後令到個煎餅有口感同層次，絕對係畫龍點睛。主食的鴨肉非常juicy，好香口，個醬有少少甜同辣，但因為有青瓜，所以唔會太膩。煎餅本身用的係綠豆麵醬，質地比較濕潤、煙韌，蛋味亦相當重。總括來講，基本上成個煎餅每種材料配合得相當好。