Burgeroom (美麗華廣場1期) (Closed)

約咗fd收工chill一下，最近想食漢堡，佢就book咗依間。自己叫咗個菠蘿煙肉漢堡，高得滯，一啖食唔晒，唯有拆散慢慢用刀叉切嚟食，懶斯文就係差咗feel，食漢堡都係粗豪d更正。塊漢堡好正，夠厚身，攞刀押一押已經出汁，牛味濃厚，無辜負價錢；菠蘿係罐頭菠蘿，無咩特別，煙肉無煎到脆身，但質素都唔差，煙燻味幾香，整體嚟講個漢堡係幾好食。單叫一個牛油果薯條，芝士醬好夠，薯條脆身，又軟熟，熱辣辣，牛油果蓉無咩特別，薯條最配都係番茄，就算係配茄蓉都好食。仲有特別叫一枝coron啤酒😂，一般般。買單兩個人每人食一個漢堡，share一份薯條，加杯野飲，差唔多200蚊。放工輕鬆一下係幾好。btw，侍應講中文。