Video
Read full review
2022-11-18
185 views
今次朋友介紹我試呢間壽喜燒！將軍澳站出有條捷徑係A2出口出，向右手方向過馬路，然後向右手方向沿住燈飾嘅小路行！如果唔識行就會兜左一個圈行架啦😅店內座位好寬敞舒適，而且可以望住個廚師煮，好有互動🤝宮崎A4和牛壽喜燒 $680🍣季節三點刺身：先來刺身開開胃先，有牡丹蝦（大隻香甜）帶子（加上檸檬片感覺好清新）燒鰹魚（好重魚味齒頰留香）🥚茶碗蒸：好滑好有蛋香味，入面仲有啲香菇、魚籽，令味道再突出點！🥩A4宮崎和牛（160g）：重頭劇嚟啦～餐廳採用A4宮崎和牛，因為想脂肪及牛肉一半一半，有肉感且又有入口即溶嘅感覺，有好香嘅牛味！如果A5就太多脂肪，變咗好油膩！🥬季節野菜：今次有日本春菊、日本娃娃菜、洋蔥，佢呢啲蔬菜全部都係日本空運返嚟，落去煮吸收晒壽喜燒味道，好新鮮好甜！🍚米飯：用埋啲牛肉炒蛋，都係用返壽喜燒嘅汁，好甜好味！🍲麵豉湯、漬物：最後飲埋個麵豉湯中和返個味道🍮甜品：今次嘅甜品有芝麻北海道牛乳布甸，呢個口味好特別，好香嘅芝麻出晒嚟！另外仲有蕨餅和紅豆蓉，個蕨餅好煙靭，一食難忘！個紅豆蓉好滑好香，配埋一齊好夾！
將軍澳站出有條捷徑係A2出口出，向右手方向過馬路，然後向右手方向沿住燈飾嘅小路行！
如果唔識行就會兜左一個圈行架啦😅
店內座位好寬敞舒適，而且可以望住個廚師煮，好有互動🤝
宮崎A4和牛壽喜燒 $680
🍣季節三點刺身：先來刺身開開胃先，有牡丹蝦（大隻香甜）帶子（加上檸檬片感覺好清新）燒鰹魚（好重魚味齒頰留香）
🥚茶碗蒸：好滑好有蛋香味，入面仲有啲香菇、魚籽，令味道再突出點！
🥩A4宮崎和牛（160g）：重頭劇嚟啦～
餐廳採用A4宮崎和牛，因為想脂肪及牛肉一半一半，有肉感且又有入口即溶嘅感覺，有好香嘅牛味！如果A5就太多脂肪，變咗好油膩！
🥬季節野菜：今次有日本春菊、日本娃娃菜、洋蔥，佢呢啲蔬菜全部都係日本空運返嚟，落去煮吸收晒壽喜燒味道，好新鮮好甜！
🍚米飯：用埋啲牛肉炒蛋，都係用返壽喜燒嘅汁，好甜好味！
🍲麵豉湯、漬物：最後飲埋個麵豉湯中和返個味道
🍮甜品：今次嘅甜品有芝麻北海道牛乳布甸，呢個口味好特別，好香嘅芝麻出晒嚟！另外仲有蕨餅和紅豆蓉，個蕨餅好煙靭，一食難忘！個紅豆蓉好滑好香，配埋一齊好夾！
Post
