Video
Read full review
2024-02-10
19 views
新一年就應該食啲好野，比自己新一年一個華麗嘅揭幕～今次就第一次喺香港度食我媽家姐🤣 因為佢做緊一個優惠，$1580就可以食到$1880嘅套餐～仲要有成18度餸😳然後兩個人去食仲會送支清酒timmm😉 其實計返條數都幾抵食～1. 沖繩水雲草加芝麻豆腐醬菠菜水雲草係酸酸地嘅夾雜着一啲蟹肉絲，然而嗰個芝麻豆腐醬都幾重豆味，同埋菠菜嚟食就有另一番風味～兩樣前菜都係屬於比較開胃嘅菜式2. 間八薄切我諗我真係第一次食間八，師傅真係切得好薄，完全冇腥味，然而主要嘅味道都係黎自佢個酸汁同埋七味粉，間白配七味粉呢個組合特別得來又幾好食～3. 池魚碎切池魚都係完全冇腥味嘅，然後混合咗菊花、麵豉、醋、同酸薑，咁佢住主要個味都係嚟自麵豉同醋，然後上面粒甜黑豆就真係幾甜，剛好平衡返池魚嘅酸味☺️4. 岩手縣大船渡真蠔識我嘅人都知我真係麻麻地蠔🙈仲要係生蠔🤣不過不得不說呢隻生蠔真係好肥美同埋好新鮮，然後佢用咗少少土果醋mousse同海苔做一啲調味，鍾意食生蠔嘅朋友應該好鍾意食，因為佢個味係超鮮甜同埋有好大陣嘅海水味～5. 北海道BB銀雪魚呢道北海道BB 銀雪魚係有輕輕咁樣灼燒過，所以油香味會重啲，然後黑松露嘅味道比
1. 沖繩水雲草加芝麻豆腐醬菠菜
水雲草係酸酸地嘅夾雜着一啲蟹肉絲，然而嗰個芝麻豆腐醬都幾重豆味，同埋菠菜嚟食就有另一番風味～兩樣前菜都係屬於比較開胃嘅菜式
2. 間八薄切
我諗我真係第一次食間八，師傅真係切得好薄，完全冇腥味，然而主要嘅味道都係黎自佢個酸汁同埋七味粉，間白配七味粉呢個組合特別得來又幾好食～
3. 池魚碎切
池魚都係完全冇腥味嘅，然後混合咗菊花、麵豉、醋、同酸薑，咁佢住主要個味都係嚟自麵豉同醋，然後上面粒甜黑豆就真係幾甜，剛好平衡返池魚嘅酸味☺️
4. 岩手縣大船渡真蠔
識我嘅人都知我真係麻麻地蠔🙈仲要係生蠔🤣不過不得不說呢隻生蠔真係好肥美同埋好新鮮，然後佢用咗少少土果醋mousse同海苔做一啲調味，鍾意食生蠔嘅朋友應該好鍾意食，因為佢個味係超鮮甜同埋有好大陣嘅海水味～
5. 北海道BB銀雪魚
呢道北海道BB 銀雪魚係有輕輕咁樣灼燒過，所以油香味會重啲，然後黑松露嘅味道比較重，不過都同銀鱈魚夾到嘅～
6. 醬油燒帆立貝
嗰粒帆立貝真係超級大嚿🥰用醬油燒真係好香又夠味，入面又唔會燒到全熟，燒到啱啱好，所以個口感好軟嫩😋 不過用紫菜包住有少少cover左醬油帶子本身嘅味道
7. 香箱蟹
真係真係第一次食雌性香箱松葉蟹😚真係好多蟹肉～然後將蟹肉、蟹膏撈埋喺蟹蓋入邊，並將成個蟹蓋填滿咗，所以每筆起一啖去食，都覺得好滿足，因為每一啖都會充滿着蟹肉同埋蟹膏～🥰然後加埋底下嘅醋同埋面頭嘅三文魚子一齊食，就會比較開胃少少～ 但我自己覺得就咁食已經好夠味🤤
8. 鮟鱇魚肝
我又係第一次食鮟鱇魚肝，感覺就係一啲充滿鮮味，但係唔腥嘅醬～然後加入咗士多啤梨同埋蔥碎，再放入乾脆嘅最中餅，成件事嘅口感就昇華左，又軟又脆嘅會令到口感冇咁單一～
9. 磯煮飽魚
呢個鮑魚煮到勁入味，真係一啲腥味或者唔新鮮嘅感覺都冇，然後口感又爽口彈牙，加埋嗰個鮑魚肝醬去食，瞬間令到個鮑魚更加鮮味～
10. 金目雕笠鱗燒
呢個金目雕笠鱗燒啲魚鱗燒得好脆，但係魚肉又唔會燒得過分熟～啲魚肉食落口都好結實嫩滑同埋都有油香～最特別嘅係佢個南瓜湯球，係一個有一層透明膜包住嘅分子料理～飲落去又冇喺日本飲嘅南瓜凍湯咁杰身同濃味，反而係清少少嘅味道～
11. 赤貝 壽司
12. 甜蝦 壽司
13. 鰤魚 壽司
14. 黑鯥 壽司
赤貝壽司燒得嗰個口感好爽口彈牙，然後都係比較消滯嘅用咗橘子汁同柚子皮去調味；甜蝦壽司好讚係因為成隻甜蝦都用咗蝦膏整嘅甜豉油去調味，所以成舊壽司都充滿着甜蝦嘅鮮味；鰤魚壽司都好特別，入邊會有少少辣，係因為用咗黃芥辣同芝麻碎去調味；黑鯥壽司都用咗蔥去辟走腥味～
15. 海膽迷你飯
好少見到海膽係咁深嘅顏色，但係完全都係好新鮮一啲腥味都冇，同平時食嗰啲靚嘅海膽一樣都係咁Creamy～
16. Double燒拖羅😍
豉油燒過 燒過 兩片拖羅 紫蘇葉
呢個真係超級好食，入面有兩塊肥美嘅拖羅，一塊就係用豉油燒過嘅，而另一塊就係就咁炙燒過～兩件都好Juicy，然後再用紫蘇葉天婦羅包住，個口感真係不得了🥰「軟硬兼施」！
17. 魚湯
魚湯清甜得來又唔會滯又無腥味，真係啱晒我呢啲驚腥嘅人士～同時又可以清下味蕾～
18. 水玄信餅
最後嘅甜品係bling bling嘅櫻花水玄信餅🤩 加上會變色嘅櫻花糖漿～一個充滿少女心同檸檬味甜甜嘅水玄信餅就登場了～ 食完都完全唔會覺得漏
喺香港嚟講嘅我媽家姐，我絕對覺得呢個係一個好好嘅體驗～食材嘅質素係完全拍得住日本嗰啲～同埋都好佩服師傅嘅刀工，因為佢有啲魚真係切到超級極薄，真係超級考功夫～
Post
