Coffever (Closed)

一路都bookmark左好多Cafe想去 呢間都想試好耐 最近又見到有人食左話好高質 係時候要去試下 見有得打電話訂位 咁就當然book左位先 我地係平日星期四晏晝兩點幾去到餐廳 餐廳當時係冇客 可能咁岩過左食飯時間 店員就俾我地自己揀坐邊 我地叫左兩個意粉 叫lunch會送返一個西式濃湯 今日既湯係蘑菇湯 細細碗 好好味 意粉揀左一個係慢煮安格斯封門柳扁意粉伴溫泉蛋 呢個應該係呢間Cafe必叫既 一上到枱未食已經覺得好吸引 封門柳擺滿晒係意粉上面 份量有好多 有十舊以上 望落好粉嫩 中間仲有隻溫泉蛋 封門柳食落好香牛肉味 好淋身 溫泉蛋撈埋啲意粉食好好味另一個意粉係炙燒北海道帶子刺身蒜香原條明太子扁意粉 賣相又係好令 有兩大舊刺身既帶子 仲有條明太子 帶子食落好鮮甜 明太子撈埋啲意粉黎食 食落鹹鹹地 好Creamy 成個配搭好夾整體黎講 食物好高質 價錢合理 最值得一讚係店員既服務好好 全部都係後生仔黎 值得一試