好麵棧 (Closed)

來到元朗呢度食嘢， 都聽過人哋介紹好麵棧呢間小店， 今日特意過嚟呢邊試下!我選擇咗雲吞麵， 雲吞有五隻，平時食嘅雲吞都係得三四隻，呢碗竟然有五隻之多， 每一隻雲吞都有一大隻蝦， 真係名副其實嘅鮮蝦雲吞面，有好幾種面底可以揀，咁你就揀咗呢個幼麵，加牛腩汁， 仲有新鮮嘅生菜 ，雲吞同麵都好入味，然之後呢就揀咗呢個濃滑瑞士雞中翼， 30蚊有六隻， 試完之後覺得呢個雞中翼好好味，肉質好滑 ，而且好入味，我非常鍾意食呢個雞中翼!滋味之選，十分推介!呢一間麵棧 ，每張枱都會放置一樽小食，可以自己夾黎食，連小食都好吸引， 辣辣地，好好味 ，可以送下面。最後我叫咗個奶茶紅豆，原來奶茶配紅豆係一個唔錯嘅選擇， 兩隻味好夾， 加上呢杯嘢飲唔太甜，我好鍾意飲!