好麵棧 (Closed)

由細到大都愛吃車仔麵，必選油麵！地方寬敞，坐得舒服。點了油麵、蘿蔔、咖喱魷魚、豬紅，清湯中辣。麵到了，以為圈錯咗湯😅咖喱魷魚啲咖喱汁好厲害... 有點太油不過份量是多的！蘿蔔大大舊，不過唔係太入味，硬身咗少少，我夾著辣菜甫加點味才可吃完🙈(唔記得影辣菜甫！在枱的一旁自己加，好滋味)豬紅都係好味的！曾試過無味的只有豬紅口感嘅磚塊... 怕怕整體而言... 個麵夠大碗配料份量夠。但可惜油膩咗啲，同埋輸咗喺蘿蔔度。另外服務值得讚

已經第三次來食車仔麵，今次第一次叫牛腩餸，麵來到時牛腩居然得4粒，係粒不是舊，size是五香肉丁的大細，但這4粒東西索價$13，心裡不忿即問樓面是否有問題，佢初時答係咁多，但可能佢睇落都覺太小就話幫我問下廚房，個答覆係拾叄蚊係得4粒😤我覺得其實根本係2舊牛腩切開4粒，其他餸魚旦豬紅豬皮都有係單打明有幾多，但牛腩又唔見佢打明，賺錢唔洗賺到咁盡嘛⋯⋯？

很久沒有吃過車仔麵o.o  總是讓人心大心細的考慮，實在太多選擇。可以考慮店鋪推薦哦。首先選擇了麵底 - 油麵，麵的軟硬度合適及爽口。湯底方面，點選了秘製辣汁好正！！辣感是從口中慢慢散開，起初容易入口的，不會過份嗆口，越食越過癮的味道。還有一款四川麻辣汁，喜歡食到舌頭麻痺必選。食物價錢雖然有點高，但份量是好夠料的。牛腩&豬腸：重點在要弄得惹味，不會有動物的羶味。牛腩夠厚實軟硬適中，豬腸亦夠爽肥，店鋪弄得很好吃，非常推薦。南乳豬手：整得很入味，南乳香氣撲鼻，不會太咸，偏軟的質感，也是不錯。這間店鋪還很貼近年青人的喜好。抹茶紅豆冰：真的有採用抹茶粉，濃郁的茶香，加上飽滿的紅豆粒，飲落味道是有質素作為茶餐廳水準是很好。 值得點選的飲品推介。 友人點選了鳳爪/蘿蔔/魷魚紅薯粉。麵的質感都好正，蘿蔔夠甜，咖喱魷魚都很回味，可惜鳳爪只有2件略為貴價了。 店鋪環境舒服乾淨，入到元朗有好多選擇，這間車仔麵也是一個好的選擇。

元朗最出名嘅永年車仔麵個個都識，街知巷聞，今日突然好想食車仔麵，又想試新野，上次聽到朋友介紹話好麵棧都有車仔麵食，又有飯食，款式好多！我就黎試吓，餐廳入邊大多數位置都係卡位，所以坐得都較為舒服😬下午茶時段，人流不算太多我一個人來，都可以坐卡位😊👍🏻有車仔麵套餐，又有飯麵套餐，款式真係好多，任君選擇叫咗個八寶面$52 ，加杯凍檸茶只是$2 ，好抵😁八寶面入面有朱紅，我唔鍾意食，所以我叫職員走朱紅，職員話可以比多啲其他餸菜我😬當然最好啦！我叫咗油麵，硬度非常適合我，不是太軟身👍🏻湯底熱辣辣，但是車仔麵的餸菜不夠熱的， 有點兒失望😥雞翼尖，豆卜夠入味，味道係好食嘅😬蘿蔔也非常甜同埋林身，叫咗小辣，令到成碗面都好惹味😊

3個月前元朗西站覓食區同一時間開了三間麵檔(半年計有五間)可見現在麵檔好好做, 原因之一可能現在麵食價錢拍得住飯餐, 但工夫少吧!講返這間好麵棧, 主要賣車仔麵, 牛腩雲吞麵類, 同芝士撈丁類,  炸豬扒撈丁 $41 聰仔最愛, 芝士惹味, 豬扒正常味道, 唔怪得一半人以上都是食近撈丁, 這之後聰仔每個月最少食一次.雲吞麵 $39 雲吞新鮮彈牙, 可惜麵底太淋

LUNCH一個人來元朗搵食, 最方便就係食麵啦, 巴士總站附近見到新開麵店, 評價幾好, 今日就食呢間啦!入到黎, 揀左近門口的卡位坐, 店員都幾主動招呼, 都坐得舒服。睇左一陣, 決定喺一至八的推介中選擇, 是最抵食的, 包飲品同可以用優惠價加菜食, 都可以加其他小食。抹茶紅豆冰+$3: 抹茶味道清清地, 無澀味, 易入口, 唔會太淡, 紅豆煮得夠軟淋, 甜度適中, 叫左少冰都做得到, 女仔唔飲得太凍野。豬三寶$43: 有豬紅、豬皮、豬腸, 幾樣野份量都唔少, 又煮得幾好, 豬腸洗得乾淨無怪味, 有少少肥剛剛好, 豬紅清爽無黏牙, 豬皮爽口唔太淋, 揀左咖喱汁, 因為最近食腩汁多, 咖喱汁有新鮮感, 少少辣, 幾有層次感, 湯底味道可以飲得, 唔會太鹹太味精, 叫左幼麵, 覺得個麵幾多, 食唔晒, 又可能今日胃口唔太好。腐乳通菜$12: 份量好足夠, 一餐的纖維量有餘, 通菜都幾靚, 煮得嫩綠, 腐乳份量剛好。整體黎講唔錯, 幾滿足的午餐。

下午諗唔到去邊度食，同事就建議去食車仔麵，佢話未試過食呢間，咁就去試一試。車仔麵通常都係食嗰幾樣野，呢度都唔例外，第一時間要試吓佢哋嘅咖喱魷魚，咖喱味濃郁，辣到適中，唔會係辣到飛起嗰隻，咖喱汁都幾香，而且都幾入味，魷魚口感爽滑，係有質素嘅咖喱魷魚。仲有就係佢哋嘅咖喱魚蛋，魚蛋都夠彈牙，未到除咗同頭先差唔多嘅咖喱味之外，最特別係有一陣陳皮香，而家唔多鋪頭會用陳皮魚蛋，確實多咗一種懷舊嘅感覺，係唔錯的。湯底係咖喱汁配粗麵，呢個始終係一個無敵組合，粗麵可以吸收晒咖喱嘅精華，所以就好啱好襯，係大開胃口。仲有係豬紅同埋牛腩，牛腩口感就彈牙，味道都好夠入味，食得出係抆左一段時間，夠晒林。仲有豬紅就好滑溜，有如食豆腐一樣，。整體來講呢度車仔麵嘅質素係唔錯。

之前o係朋友攜帶之下，o係尖沙咀美麗華附近食過一次芝士撈公，今次難得俾我撞到呢間車仔麵店都有得食，是誘人的。同埋佢$41 連埋o野飲，我唔記得上次o個間係$40 幾定$50 幾，但肯定飲品係另外加，所以立即試番下！已經決定好食芝士撈公o既我再睇下配咩o野餸，佢可以配炸豬扒、豬軟骨、炸雞扒、牛扒、豬頸肉或者炸雞翼；而唔要出前一丁都可以揀烏冬甚至飯。咁多選擇，諗o左陣，最後點o左碗巨大大炸雞扒撈丁($41)！先講塊扒，真係好大塊厚身，塊皮唔係上o左好多粉再拎去炸o既o個種，略帶脆口口感，而內裡d 肉o既鮮嫩度唔錯，咁大塊感覺好抵食！至於主角個麵底，d 芝士無去到上次食氾濫o既程度，感覺較為健怡，軟滑o既芝士經撈勻後沾滿每一條麵線，食完後甚為飽肚~雖然飽飽地，但見佢一客脆脆甜紫薯餅只係$12，仍然忍唔住叫埋，後來先知原來咁樣當係跟餐更加只係需要加$10！首先想講隻碟幾靚，有住中式瓷器o既雕花(其實個碗o既外面都有)。呢個薯餅真係幾推介，有三舊，外面炸得超級鬆脆，裡面熱辣辣甜甜的，又咁平，真係無理由唔叫……跟餐已包冷熱飲品，但我見特飲都係加$3，咁梗係叫特飲啦！特飲主要係檸樂同埋紅豆冰呢類；o

今日經過元朗呢個巴士站，撞啱肚餓嘅時間，就一於入去醫醫肚。呢度最拿手係車仔麵，咁我就叫咗碗米線。送了方面，就叫咗豬紅同埋牛腩，食牛腩當然係配牛腩汁啦。豬紅爽滑，口感係入口即溶嗰隻，加埋牛腩汁，確實入晒味。仲有就係牛腩，呢度係將牛腩切細，造成一口牛，方便女士進食，仲有牛腩炆得夠林，而且由於浸喺牛腩汁裏面，所以牛腩裏面都充滿晒牛腩汁，入口非常野味。至於米線就夠彈牙，咬落有口感，唔會軟林林。除咗碗米線之外，仲有咖喱魷魚，好多出名嘅車仔麵鋪頭都有馳名嘅咖喱魷魚，呢度都唔例外，入口就知道啱晒我食，因為佢哋嘅咖喱魷魚係比較大眾化，唔會辣到食唔到嗰隻，出面食到嘅辣汁係超辣嗰隻，但係呢度就唔會啦，只係有咖喱嗰陣獨特嘅香味，而且魷魚主導入晒味，非常野味，而且口感仲夠晒滑添。最後食埋車仔麵唔少得嘅油菜，用料新鮮，會腐乳汁係一絕，令人回味。

早排喺朗屏站出嚟經過見到呢間新開嘅車仔麵店已經好想食，今日決定去試一試。入到嚟第一個感覺就係好乾淨、整潔，燈火通明。 再望吓個餐牌，選擇很多，又任選車仔麵，有車仔麵套餐，有太陽蛋大碗飯系列，仲有撈丁等。最近元朗都冇乜高質嘅芝士撈丁食，見呢度有幾平，就決定試一試。巨大大炸雞扒撈丁，好令人驚喜。塊炸雞扒肥厚得來好嫩滑，廚師控制火候控制得好好，而且雞扒皮仲要煎到脆身，配有少少胡椒味，食落好惹味。而芝士底份量好足，所以帶到好香濃嘅味出嚟。沙嗲牛柏葉，好大碟，而牛柏葉好靚，望落唔會太白咁化學，食落爽口唔洗講，配襯埋沙嗲醬好match，食完一碟都未夠，好想encore。

來到元朗呢度食嘢， 都聽過人哋介紹好麵棧呢間小店， 今日特意過嚟呢邊試下!我選擇咗雲吞麵， 雲吞有五隻，平時食嘅雲吞都係得三四隻，呢碗竟然有五隻之多， 每一隻雲吞都有一大隻蝦， 真係名副其實嘅鮮蝦雲吞面，有好幾種面底可以揀，咁你就揀咗呢個幼麵，加牛腩汁， 仲有新鮮嘅生菜 ，雲吞同麵都好入味，然之後呢就揀咗呢個濃滑瑞士雞中翼， 30蚊有六隻， 試完之後覺得呢個雞中翼好好味，肉質好滑 ，而且好入味，我非常鍾意食呢個雞中翼!滋味之選，十分推介!呢一間麵棧 ，每張枱都會放置一樽小食，可以自己夾黎食，連小食都好吸引， 辣辣地，好好味 ，可以送下面。最後我叫咗個奶茶紅豆，原來奶茶配紅豆係一個唔錯嘅選擇， 兩隻味好夾， 加上呢杯嘢飲唔太甜，我好鍾意飲!

今日黎到元朗逛街，系時候想想食咩附近見到有好麵棧，心唸唔會好貴姐，就想試下啦！好麵棧入面好多嘅必食推介，所以呢，我嘅心頭好就係食呢個秘製豬軟骨！餐牌好多嘢食，好多選擇，好吸引而且價錢好合理芝士秘製豬軟骨撈丁好正，勁多cheese呀！成碗都系， po住曬成碗麵， 然之後呢秘製豬軟骨份量都好多數數埋埋都有10舊， 麵配埋芝士味道超正，秘製豬軟骨肉質鮮嫩，軟骨真係好有咬感！ 濃滑瑞士雞中翼呢個雞中翼呢真係好有色水呀 ！一望就知會好好味， 果然不出所料， 非常之入味，無論係肉定係皮，連骨都勁有味！呢杯係抹茶紅豆冰， 呢一杯抹茶味好香濃，個底仲有少少甜甜嘅紅豆，綠茶杯紅豆係好味之選 ，非常之唔錯！

聽朋友講元朗開咗間車仔麵店啲撈丁好抵食，咁就梗係要嚟食下啦。店內裝潢整潔，座位寬敞，而且冷氣好涼爽。呢度款款撈丁都係$41，有豬扒、雞扒、豬頸肉，樣樣都好吸引。今次就試下手掌無骨炸豬扒撈丁先，豬扒好貼心咁切開晒一件件又起咗骨，食落夠厚實，唔會韌。而芝士份量好充足，本來望落好似會唔夠咁，但因為夠濃味，所以食落芝士味係充足嘅。而麵質軟硬適中，同芝士融入得好好。再叫埋個生菜鯪魚肉，大大碗都只係$20，魚肉食落好鮮甜，而且份量好多。而生菜啲菜葉好新鮮好靚。湯底好香魚味，令到我食完啲餸都忍唔住飲晒啲湯佢。

元朗一向多麵檔，經過見到依間新開既車仔麵檔，本來都冇諗住入黎食，但係見又有車仔麵又有飯食，岩哂我同我朋友完全唔同味蕾嘅既人。6點幾就到餐廳，所以仲係好空曠，冷氣又夠涼，好岩一陣食熱既湯麵。見到有幾款必食推介，例如豬軟骨，豬手，牛腩等等。叫左豬大腸，蘿蔔配米粉，牛柏葉，牛筋配米線。豬大腸好入味，又唔硬，而蘿蔔非常清甜，正正可以解下豬大腸既膩味。本來朋友係飯桶黎既，點知見到車仔麵有咁多款菜可以揀，最後就叫左牛柏葉同埋牛筋配米線。牛柏葉比較清，所以同味道重啲既湯底一齊食就更加惹味，而牛筋非常之黏，好似食到骨膠原味咁。除左有車仔麵之外，仲有三文治，大碗飯，撈丁等等既其他選擇，岩哂同三五知己一齊黎食。

見到元朗廣場附近新開咗依間主打車仔麵嘅鋪頭，見好耐都冇食車仔麵，於是同朋友黎幫試下。環境幾企理，左邊係枱，右邊係廚房同清潔嘅地方，員工招呼唔錯。一望餐牌，就見到有好多選擇，簡直令人眼花瞭亂，樣樣都想食~ 揀嘅次序如下: 麵底-->至少2款餸-->湯底-->飲品-->小食，上菜好快，仲要係熱辣辣嘅~我最後粗粗地叫咗牛腩+豬軟骨公仔麵，牛腩燜得好軟，仲有啖啖嘅腩汁味，果然值得推薦，而豬軟骨就骨肉分明，好有咬口。朋友就叫咗五香肉丁+紅腸米線，估唔到肉丁食極都仲有，而紅腸嘅厚度適中，好足料。放調味料個度放咗一盒辣菜甫，同麵一齊食開胃，又唔會話太辣。佢嘅奶茶都好出色，好滑又有濃濃嘅奶香味，下次一定要再黎試下特飲奶茶紅豆冰~