通達食店

Open Now

Now Closed

相信大家去過油麻地嘅都一定曾經經過A2出口，一出既有兩間小食店。企喺門口睇兩間其實都差唔多，魚蛋嘅香味撲鼻，所以隨便揀一間就入咗去啦。因為真係有啲肚餓所以就想試吓佢嘅車仔麵。價錢上都合理嘅，都睇得出佢唔係想抬高個㗎做大陸人生意。牛腩豬腸河粉沙嗲汁 ($30)一想已經心知不妙，就咁睇都睇得出個湯底好淡佢只係加咗一pat沙嗲醬係上面🤔🤔 撈勻左之後味道好唔夠 之後一夾起佢啲河粉，就見到已經將埋一舊🤢 花咗一啲時間先至將佢整返開😓 牛腩方面雖說味道幾入味，但煮得略為唔夠淋。豬腸方面值得稱讚嘅係佢洗得好乾淨，因為佢已經唔係豬腸嘅形狀，佢將豬腸切開咗一條條。但係感覺上已經剩返豬腸嘅香:/最後餐飯用咗$30，下次應該未必再去了。