海街丼 (海濱匯)

Open Now

Now Closed

海街丼嘅丼飯一向高質，今次嚟試吓海濱匯呢間！店內本系裝修感覺清新，而且夠闊落坐得好舒服！兩個丼飯都好好味，好岩夏天食。海寶丼(上)丼飯鋪滿蟹肉，仲有吞拿魚、油甘魚、帆立貝、蜆肉等，食落新鮮口感豐富。第一種食法是先將「壽司醋果凍」撈入壽司飯，食到一半之後，就可以將鮮魚製成的「魚介出汁」倒入飯中，鮮甜嘅魚湯加埋芝麻、碎海苔同脆米，同海鮮刺身完美配合。醬汁吞拿魚丼見到喺數量限定就一於試吓，入面有調味過嘅吞拿魚、吞拿魚蓉同魚子。配搭吞拿魚啲醬汁微辣好惹味，吞拿魚蓉亦都非常多同鮮甜，果然有驚喜！