Savor Kitchen

Open Now

Now Closed

銅鑼灣真係好多好嘢食，今日同朋友嚟Savor Kitchen食西餐。見佢做緊套餐優惠，就決定一人嗌一個set嚟share。頭盤係章紅魚生魚薄片，魚好新鮮，切到好薄，配埋好香檸檬味嘅橄欖油，真係好開胃。前菜係手拆藍蟹肉多士，炸到好酥脆嘅多士上面有勁多蟹肉，食到停唔到口。主菜我要咗炭燒三黃雞胸青醬長通粉，雞胸煮得啱啱好，一啲都唔嚡，青醬好香濃，同長通粉好夾。朋友食嘅係白酒煮蜆意粉，啲蜆肉好香白酒味，意粉都係偏濃味，應該好啱配酒飲。另外仲有炭燒西冷配薯蓉同忌廉黑椒汁，西冷牛好嫩滑，食落好香牛味，薯蓉同忌廉黑椒汁都好夾。香煎三文魚柳都幾大份，煎得啱啱好，魚皮好脆，點埋佢嘅檸檬果蓉，好清新好好味。最後甜品係Tiramisu，賣相好靚，好香咖啡同朱古力味，大滿足。佢嘅食物同醬汁配搭，仲有擺盤都好有心思，餐廳嘅環境裝修又靚，座位闊落，都幾啱朋友或者情侶嚟一邊食嘢一邊飲酒。