港 (Closed)

今日同朋友行完書展之後去左這間bar and restaurant happy hour，之後見到佢啲食物幾有特色，於是索性食埋dinner。餐廳的風格都幾fusion，環境係西式，亦都有live band，食物雖然選擇唔多，但都係以港式mix西式為主。我地happy hour階段叫左signature的連儂薯條，落左紫菜同溫泉蛋，薯條係英式嗰款，唔係極脆但食到好多薯肉。之後我地叫左糖醋豬腩肉，味道係西式的蒜泥白肉，用豬腩肉包住蘿蔔同青瓜，配上甜醬油同醋，非常開胃。主菜的避風塘芝士蟹腸粉非常好食，腸粉先煎香左，蟹肉新鮮，腸粉完全索哂芝士味濃的蟹汁，每啖都非常入味。咸檸炸雞的咸檸檬味道好香，相信餐廳腌製左好耐，而雞皮非常薄，一咬入口就鬆化，食到柔嫩的雞肉，極正。