英記油渣麵 (Moved) New Location

豬油渣麵走蔥，原來油渣麵係一早煮定晒浸住架？有 order 即時落碗搞掂，我剛剛先知。但我真係唔識得欣賞油渣麵既麵條，又粗又實又唔滑。英記湯底有大量冬菜，幾香甜既，味道還可以，不過大埔群記更濃郁喎。嘩 ﹗估唔到依度既辣椒油夠辣又夠香噃，奇怪地跟油渣麵既味道都唔夾既。豬油渣都香口，而且偏肥。到底豬油渣麵應該以咩角度去品評呢？第一次幫襯亦可能係最後一次，不過有機會黎買辣椒油既。第一次食豬油渣麵係幾星期前大埔群記，今次係第二次食就黎左非常出名既英記 ﹗朋友仔話佢以前經常幫襯，話依家質數同味道都變得差左嚕。