Video
Read full review
2019-07-12
99 views
2019年7月4日 星期四今晚專登係銅鑼灣book左一間法日fution既餐廳同女朋友慶祝呢一年既工作完結上到去會有專責既侍應服務每一張枱，仲好貼心同我地介紹各個套餐同餐廳既特色，原來成間餐廳都係圍繞住夢呢個主題，希望客人黎呢到用饍好似發一場夢咁有驚喜，如幻似真咁。我好好奇surprise dish究竟係咩黎，店員話係廚師俾食客既驚喜，每日都唔同。我地最後要左6道菜加鹿兒島和牛，難得食好野點都要豪返一次！！先黎有前菜，係用味噌煮嘅龍蝦餡撻，細細個好精緻，食起上嚟嘅時候個撻皮好脆，裡面食到有龍蝦肉，酸酸甜甜咁幾開胃之後有北海道珍寶帶子配日本三文魚子係上面，配有兩種唔同既醬汁，其中一個應該係青豆芥末醬，同帶子一齊食更加帶出鮮味同帶子真係好彈牙，至於底部原來都食得！！有開心果碎同埋日本竹炭條，甚至連隔離隻蟹仔都全部食得，店員話開心果碎可以撈埋個芥末醬一齊食，果然又真係無咁單調。蟹仔脆卜卜咁，好似下午茶食既脆餅，但裡面有濃濃既蟹味跟住係第一個驚喜菜式，拎上嚟嘅時候見到有條龍蝦尾，好自然以為裡面係龍蝦肉，點知原來係一個沙津！！日式蛋沙律面頭係新鮮嘅桃再配魚子醬，而下面就係松葉蟹肉，最底下係新鮮嘅
今晚專登係銅鑼灣book左一間法日fution既餐廳同女朋友慶祝呢一年既工作完結
上到去會有專責既侍應服務每一張枱，仲好貼心同我地介紹各個套餐同餐廳既特色，原來成間餐廳都係圍繞住夢呢個主題，希望客人黎呢到用饍好似發一場夢咁有驚喜，如幻似真咁。我好好奇surprise dish究竟係咩黎，店員話係廚師俾食客既驚喜，每日都唔同。我地最後要左6道菜加鹿兒島和牛，難得食好野點都要豪返一次！！
先黎有前菜，係用味噌煮嘅龍蝦餡撻，細細個好精緻，食起上嚟嘅時候個撻皮好脆，裡面食到有龍蝦肉，酸酸甜甜咁幾開胃
Pan Seared Hokkaido Scallop
4 views
0 likes
0 comments
之後有北海道珍寶帶子配日本三文魚子係上面，配有兩種唔同既醬汁，其中一個應該係青豆芥末醬，同帶子一齊食更加帶出鮮味同帶子真係好彈牙，至於底部原來都食得！！有開心果碎同埋日本竹炭條，甚至連隔離隻蟹仔都全部食得，店員話開心果碎可以撈埋個芥末醬一齊食，果然又真係無咁單調。蟹仔脆卜卜咁，好似下午茶食既脆餅，但裡面有濃濃既蟹味
跟住係第一個驚喜菜式，拎上嚟嘅時候見到有條龍蝦尾，好自然以為裡面係龍蝦肉，點知原來係一個沙津！！
日式蛋沙律面頭係新鮮嘅桃再配魚子醬，而下面就係松葉蟹肉，最底下係新鮮嘅蛋沙律，至於左右兩邊係覆盆子醬同埋芒果醬，點埋一齊食又幾夾，仲會覺得酸酸甜甜，好醒胃
Lobster Tail
6 views
0 likes
0 comments
之後係慢煮波士頓龍蝦尾，配有分子料理整既菠菜泡沫係上面，食落真係有菠菜味，同龍蝦又出奇地配合。
下面既汁聽店員介紹係用左川椒、黑胡椒同青胡椒溝成既三椒汁，食起上黎有少少麻辣，但唔係太攻喉，仲有d甜味添，愈食好似愈上癮。
至於旁邊係炸wasabi菜，炸得好脆、好香口。
之後又係驚喜料理！！今次係譏燒鮑魚配玫瑰露，放左鮑魚係玫瑰露上面燒一陣，然後再放落昆布高湯上面
高湯上面有煮蘿蔔，一咬就融，好入味，而本身既高湯都好清甜，有淡淡既昆布味。至於鮑魚，本身係慢煮，所以唔會太難切開，煮得啱啱好，夠晒腍，同埋吸收左玫瑰露同高湯嘅味，所以味道好豐富，好食到連女朋友嗰隻都想食埋
Japanese Cod Fish
2 views
0 likes
0 comments
到主菜嘅環節，有日本銀雪魚配下面既番茄沙沙，銀雪魚好嫩滑，同酸酸地既蕃茄沙沙一齊食反而帶出左魚既鮮味
Kagoshima
9 views
0 likes
0 comments
之後仲有鹿兒島和牛，和牛肉質偏軟，入口即融，油脂豐富，旁邊係炒雜菜配黃菌醬汁，係廚師特製醬汁，食落又幾惹味，中和左和牛既油膩感
Coconut Sweet
7 views
0 likes
0 comments
最後就係甜品環節，有椰子mousse配白朱古力石頭，椰子嘅外殼其實係用朱古力整出嚟嘅，所以全部嘅部份都可以食得，有好濃嘅椰子味，加埋椰絲口感會更加豐富
仲有一個朱古力拼盤，其中有朱古力mousse配臻子醬、70%煮既朱古力牛奶同朱古力brownie配香蕉，朱古力整得好香濃，有獨特嘅苦味同甜味，每一款都有唔同嘅口感
以為飲埋杯茶就完，點知仲有茶點，店員話係用嚟送杯茶嘅。有個撻同曲奇餅，應該係自家製嘅，因為熱辣辣同軟曲奇有好重嘅牛油味，就算覺得好飽都仍然想繼續食落去
成餐飯真係好似發左場夢咁，冇諗到會有咁多驚喜菜式，加埋店員細心嘅解釋，係一餐高質素嘅晚餐
Post
