Video
Read full review
2023-04-14
892 views
坐落於銅鑼灣Cubus嘅21樓嘅@cincin.hk ，一出𨋢門先會見到一個個放滿咗酒樽嘅櫃，餐廳嘅裝修以灰白色為主調，坐起亦十分舒適同闊落~staff每一道菜都會詳細講解，可以睇得出餐廳對食材嘅季節性同產地十分講究，餐廳總廚更加會特意飛去歐洲選購食材☺️- - - - - - - - - - - - - - - - - - - - - Spring Dinner Menu ［ ANTIPASTI | APPETIZER ］๑ Canapés 煙燻嘅火腿搭配炸麵包同牛油，係十分開胃嘅傳統餐前小食🌿๑ POTATO MILLE-FEUILLE一層層嘅薯仔砌成咗一個方塊，咬落去外脆內嫩，魚子醬嘅鹹香味十分突出，搭配burrata cream 同埋炸大蔥一齊食更加可以食到豐富嘅層次配搭๑ 60°C POACHED EGG將晶瑩剔透嘅半熟蛋吉穿，同碟入面嘅法國新鮮蘑菇及新鮮松露拌勻，一入口就感受到蛋黃同松露嘅香氣橫溢，稍微咀嚼一下，緊接而嚟嘅就係新鮮蘑菇獨有嘅菌香，三者嘅味道融為一體喺口腔裏面流連忘返，令人不自覺地好快清碟๑ JAPANESE OCTOPUS八爪魚整成一個roll，而且有兩隻醬
staff每一道菜都會詳細講解，可以睇得出餐廳對食材嘅季節性同產地十分講究，餐廳總廚更加會特意飛去歐洲選購食材☺️
- - - - - - - - - - - - - - - - - - - - -
Spring Dinner Menu
［ ANTIPASTI | APPETIZER ］
๑ Canapés
煙燻嘅火腿搭配炸麵包同牛油，係十分開胃嘅傳統餐前小食🌿
๑ POTATO MILLE-FEUILLE
一層層嘅薯仔砌成咗一個方塊，咬落去外脆內嫩，魚子醬嘅鹹香味十分突出，搭配burrata cream 同埋炸大蔥一齊食更加可以食到豐富嘅層次配搭
๑ 60°C POACHED EGG
將晶瑩剔透嘅半熟蛋吉穿，同碟入面嘅法國新鮮蘑菇及新鮮松露拌勻，一入口就感受到蛋黃同松露嘅香氣橫溢，稍微咀嚼一下，緊接而嚟嘅就係新鮮蘑菇獨有嘅菌香，三者嘅味道融為一體喺口腔裏面流連忘返，令人不自覺地好快清碟
๑ JAPANESE OCTOPUS
八爪魚整成一個roll，而且有兩隻醬可以選擇，分別係味道清新小小嘅Bell pepper，以及有啲似Wasabi嘅辣根。八爪魚嘅質地十分爽彈，而配上辣根醬更加能夠將八爪魚嘅鮮味帶出嚟🐙
๑ SICILIAN SCAMPI
Italian Garlic | Kaffir Lime I Dill Oil
Scampi只係做輕微嘅調味，務求呈現食材原有嘅味道，佢嘅口感比起常見嘅蝦類較為軟腍，但係食起上嚟佢嘅鮮甜程度遠遠超乎想像，同後面紅蝦嘅鹹鮮形成強烈對比，令人好surprised~
［ PRIMI | FIRST COURSE ］
๑ AUSTRALIAN WILD SMOKED EEL RISOTTO
配上法國嘅西洋菜，煙燻過嘅鰻魚香氣徹底咁樣滲入左喺意大利飯入面，而咬入口依然感受每一粒飯嘅質感粒粒分明，煙靭得嚟帶些微嘅脆，掛汁得嚟唔會變到糊狀🫶🏻
๑ SICILIAN RED PRAWN PASTA
紅蝦意粉用上餐廳自己用紅蝦蝦殼新鮮熬製嘅湯煮成醬汁，一入口一陣濃烈嘅蝦香即刻喺口入面爆開，而每一隻蝦嘅蝦頭都充滿住鹹鮮味十足嘅蝦膏好rich!
［ SECONDI | SECOND COURSE ］
๑ SPANISH BEEF RIBEYE
一上碟就俾佢嘅色澤深深咁吸引住！亮麗嘅紅色散發住光澤，而佢嘅肉汁緊緊咁鎖咗喺肉入面，牛嘅外層有輕輕嘅焦脆，而入口嘅質感十分之軟腍嫩滑，每咬一啖濃郁嘅肉味都會隨即充斥住口腔💕
๑ FRENCI BARBARIE DUCK
鴨嘅皮煎得香脆，鴨肉嘅質地結實得嚟唔會韌，蜜糖燒汁為鴨香味提鮮
［ DOLCE | DESSERT ］
๑ CROISSANT GELATO
今次呢個雪糕夠晒特色！第一次食牛角包口味嘅雪糕，一入口除咗有香濃嘅奶味之外，仲有好香嘅牛油同鹹香味，香滑嘅雪糕配上一粒粒榛子，為今餐畫上完美嘅句號
- - - - - - - - - - - - - - - - - - - - -
Post
