蔥仔越南包

Open Now

Now Closed

咁哩間暫時都係首選，始終佢係我第一間食過覺得好好食既越式法包店。幾年前第一次食都幾驚為天人。正唔正宗我就無深究，不過食料配搭就好大路，一般都係哩d料。包我估都係攞貨，但係個成品佢處理得好好。包皮鬆脆(偏少少硬脆所以要慢慢食，小心鎅上顎)包身鬆軟又唔會索晒汁淋晒，帶小小麵包香又唔會搶戲。材料豐富又唔會太over。難得在樣樣食材都食得出佢原本個味，加埋晒又好和諧又提升到成件事。哩個價錢我覺得係抵，不過店舖細細得企位，繁忙時間都好多人出出入入。如果買外賣要過陣先食又冇焗爐就唔建議。服務就正常啦，一人小店無期望。不過有一次買嗰陣老細見到個包皮甩咗d都主動問我介唔介意。我話無問題佢就照整俾我不過主動送個湯，好識做。