The Pawn (Closed)

哩間餐廳之前都好想嚟試吓，因為佢係一個好舊嘅建築物但係內裏裝修後變成一間餐廳。等我順序講下對呢間餐廳嘅comment：1. 餐廳入口難揾，我哋先行樓梯上一樓，然後發現唔係嗰間餐廳，再行去另一個出口，見到有電梯再上一層先到；2. 點左 carbonara 同 tenderloin , 足足等左半個鐘先有得食，但餐廳只得兩枱客，真叫人費解；3. Carbonara 味道唔錯,而且waiter即場喺你面前刨芝士;4. Tenderloin 唔掂，可能第一次食啦，唔知佢會用石板上塊扒，所以食嘅時候熟過頭，而且份量太少，只有一個拳頭咁大；5. 甜品叫左個千層酥配榛子雪糕，呢個真係好好味，其他餐廳應該食唔到。總結，如果唔係有半價我都唔會嚟試，因為價錢實在太貴啦，而且我唔鍾意佢因爲有折頭就冇得儲飛行里數囉，因為我本身去嘅目的就係諗住可以儲埋里數。