Délifrance (Closed)

唔使等位，選擇食呢間。二人晚餐，百幾蚊，有湯有嘢飲，主食再加甜品。如果正常食量，一般女仔都夠飽，男仔的話可能差少少咁多。有人幫你拎埋位，方便過一般快餐店。 餐湯 - 有紅、白湯，各要一個，一個湯配有一件蒜茸包。包是放涼了的，不過仲係脆脆地的。原本我係紅湯愛好者，不過佢地啲紅湯真係麻麻，仲難飲過罐頭湯，雖然有湯渣，不過淨係得少少蕃茄加水嘅酸味，一啲其他蔬菜味都無。出奇地，唔多鐘意飲白湯嘅我，反而覺得佢嘅白湯好味，好香菇味，值得一推。凍檸茶，黎到已經落好糖漿，唔夠甜。不過我寧願唔夠甜，都好過有啲鋪頭勁甜。起碼健康啲。當然如果改為自己落糖會更好。主食 - 三文魚意粉 - 男友人食的，佢覺得味道尚可接受。份量唔算太多，女仔食應該夠，男人食可能未必夠飽。 我揀咗食 三文魚三明治（選了牛角包），味道正正常常。仲有甜品 - 雲尼拿雪糕一球。（可加錢轉心太軟+雪糕。）百多元，二人餐，算幾抵食，正常要求又想慳錢的好選擇。不過其他菜式係選擇少嘅。