Délifrance (Closed)

B6星期六早上想吃一點西式早餐，便想起去九龍灣德福的Delifrance ，吃一頓法蘭西來佬早餐。餐廳早餐配搭及選擇頗多。📍 B6自選特級早餐 $44（可自選麵包或迷你長通粉，及任選三款美食）個人選擇了B6餐，配自選的法包、煎蛋、珍寶腸及有機蘑菇。隨餐會附上一盒安佳牛油，青瓜、蕃茄各一片，感覺上配搭非常均衡。Delifrance的法包比較出色，外脆內軟，值得一吃。跟餐配即磨咖啡，熱咖啡香濃，味道不錯。這頓法蘭西早餐食品質素比一般快餐店高，而且價格合理，可以一再捧場。

本人其實一直都喜歡吃西式早餐，特別是牛角式或法包類別，因此Delifrance往往是我的選擇之一。今天再次光臨，因為不想吃太多，所以點了一份自選特級早餐 (B6)，選了牛角包、珍寶腸、煙火腿及烤雞。而此餐其實可以選配其他包類、長通粉及其他配餸的，詳情請看附圖餐牌。牛角包仍然是很大個，又香又好味；珍寶腸大小適中，味道較清淡；烤雞只得半份雞扒，份量不多但總算香滑；火腿則只是普普通通吧，整體也是不算豐富，但仍足夠飽肚吧，如說飲品方面真的沒得跟茶餐廳去比，只能說是中規中矩。

好唔抵食，好失望芝士西蘭花焗薯set $61 賣相不錯，味道不過不失，薯蓉夠林，但薯味比夠淡，不太入味，配料(芝士，西蘭花)不夠多。芝士+火雞+火腿三文治set $65呢個價錢黎講真系一般般，賣相同味道都劣質。好普通既三文治包，麵包乾但唔脆，亦都不軟滑，比較硬，反而我最中意食個沙律菜好新鮮，夾住d脆口麵包塊，好夾，口感好好。 十幾年冇食過既連鎖餐廳，即興想食下，但真系頗為失望，性價比低，份量又少，主賣麵包，但麵包唔好食，應該不會再光顧

今日得閒黎個休閒Delifrance早餐🤗🤗～最愛就係食呢到既牛角包了～今次揀左自選早餐（三款）-煎蛋，煙肉，雞扒😎😎配牛角包（可選其他包）加飲品雞扒唔錯～煙肉有啲乾～都係牛角包最正🤤

今日去咗Mega Box宜家買鑊，回程坐shuttle bus嚮德福花園落車。見時間尚早，入左去 Delifrance 嘆番個下午茶。其至尊公司三文治很正很大份，麵包烘得夠乾脆、雞蛋嫩口、生才及蕃茄夠新鮮爽口，食晒一份都夠飽。美中不足是價錢，七十幾蚊以下午茶餐來講確實有點兒貴。

上次在這家麵包店早餐，得到一張五十元現金劵，在３月份之內使用。今天完成九龍灣的活動，順便到此午餐。　二份套餐已經超過一百元，扣減五十蚊現金劵，實際付款94元，平均每人五十有找。抵！     最抵的是：又送多張五十元現金劵！意大利黑松露醬野菌扁意粉    肉都唔多條的素食系列，夠健康。而且是小米喜歡黑松露，即使價格比包包套餐高，亦願意買給小米。反正：有五十元現金劵！　一碗熱辣辣的扁意粉，小米已急不及待，開始動手～食呀食～食呀食！可是小米覺得扁意粉味道較淡，自行加入鹽和黑椒，很快就把扁意粉消滅了。法式鴛鴦配～意大利包配白汁碎蛋和白汁三文魚　Ciabatta w/ Egg Mayo & Salmon Mayo　　　即係雙拼自選包包餐，一邊是白汁碎蛋，另一邊是橙色三文魚，整體有一定厚度。在没有化妝的日子，可以盡情地張大嘴巴來享用。二款Mayo白汁都不酸，易入口。反而意大利包表面較硬，刮損口腔內壁了。　小米消滅意粉後，還未夠飽。看到這個白汁系列的包包，又想要半份。小米真係開始發育，開始變做＜石野太郎＞。無奈，自己只得半份包包，唔夠飽囉！既然剛才購買二份套餐時，收到五十元現金劵一張。再點一份套餐，

呢日自己一個人去咗德福商場 Delifrance 食飯。叫咗個卡邦尼煙肉芝士炒扁意粉配煙三文魚二併套餐，飲熱即磨咖啡，盛惠$79。熱即磨咖啡先上，味道香濃，口感幼滑，算是不俗。但係個主菜意粉就有啲失色，主要係因為煙三文魚太腍，一叉就散，毫無咬口，而且味道偏鹹咗少少。意粉唔錯，帶少許咬口，入邊都有幾多香口煙肉條及爽口蘑菇，好可惜個煙三文魚令到呢個意粉扣咗唔少分。總括嚟講，呢餐味道充其量只可以算做中規中矩。

因為Delifrance 之前做鋁罐回收，每一個罐，可以換一張$50 coupon, 每次食夠$100就可以使用。趁D禮卷到期前，有籍口唔煮飯，出去吃。首先，個蕃茄湯係冇料的，只有湯，味道好酸。意粉方面，都ok既，唔難食，但普通到形容唔到。最值得讚係個焗薯，咸牛內配車打士之真係好夾，不過其他分店食，佢哋會加少少煙肉碎係面，食落會香口D，但呢間冇。至於飲品方面，鍚蘭奶茶係必點，如果唔夠，可以加$4加大。甜品方面，個vanillas 雪糕好香，配埋蝴蝶餅，令個ending加番唔少分。

真係。。。一啲都唔好味🤢🤢🤢🤢🤢🤮平時行過見到都想試下，點知試完真心失望，簡直可一不可再🤮長通粉口感幾好，但調味真係出左事，又唔creamy，又得啲好淡既菇味，然後就冇然後。。。就係唔好味既感覺天使麵好淋，蕃茄味唔濃郁。連包都覺得好普通🤕🤢🤢🤢略有名氣既餐廳黎講，真係幾差，冇一樣主食覺得好味🥵呢個甜品已經係全餐飯最好味既野🤯全枱人一致認為唔好味🤮冇下次🤢🤢🤢🤢🤢🤢

宜家好少地方仲有Delifrance咁岩有下午茶就入去食下叫左T2迷你法式三文治&T4烤雞鮮蘑菇湯扁意粉再加左薯批個包冇乜問題薯批就唔同左變左一粒粒薯仔咁冇左咁多汁 幾乾身但最大問題係個意粉係廚師推介 但佢完全係冇味加左PEPPER先有D味 連D餸都係冇味完全唔明點解係推介

很少去吃Delifrance，因為它的分店愈來愈少。因為之前它做回收月餅罐活動，收到一張消費$100可當$50的優惠卷，專承來光顧。從未寫過負食評，今次要破例了。為方便叫了$101的All Day Breakfast,包沙律或餐湯及熱飲，叫了冰檸檬茶，另加$4。沙律份量很少，味道普通，整個餐衹是微暖，香腸皮唔脆、三文魚不新鮮、炒蛋味淡、煙肉過硬、粟米、磨菇無味、牛角包無牛油香味，連檸檬茶都毫無茶味，很失望。這個晚餐我想連$40都不值得，以前好味道的Delifrance只可在回憶中懷緬了。😔

《Délifrance》 #食在九龍灣📍九龍灣德福廣場二期L2層P39A號舖-下午茶：🔹迷你火雞片鮮蘑菇湯長通粉配煙三文魚炒蛋及法國貴族牛角酥 $48Iced coffee +$4除左個牛角酥好味之外其他都好一般煙三文魚有d怪味 同埋偏咸 蛋就正常 但唔係我想要嘅炒蛋就咁食長通粉係ok嘅 但個蘑菇湯又係好怪算係食得飽嘅 但下午茶黎講都幾貴 仲要質素一般🍴4/10

每逢星期天總要帶孩子到德褔上習泳班，所以常常來這家店吃早餐。當天店內進行回收月餅盒，便有禮券回贈的活動，可以說人山人海。相信這活動不止提高品牌正面形象，而且禮券能有助刺激客人再光顧的意慾。喜歡早餐㤋量剛剛好，這款通粉是孩子最喜愛。經觀察它的麵包、甜點水準都很平均。外子尢其喜歡他們店的牛角麵包，每次都是必點項目。我就比較花心，時常會試其他款式。畢竟一間有規模的連鎖食店，一切都有規劃，食物及服務質素都比較有信心。

食 tea , 來左呢間，位於德福的法國餐廳。珍寶腸熱狗配餐飲 $42 ， 冇花冇假堅係幾珍寶，一分為二仍然頗具看頭。作為下午茶，一個人自私食可以會太多，好彩我地二人 share 。麵包是法包，外脆內軟，好香。雞肉腸配上新鮮蔬菜和蕃茄，再加左白色沙律醬和黃式芥末醬，完完全全的歐式風味。餐飲配熱咖啡，是即磨的，水準不俗夠曬大杯。另加 $9 配一個 doughnut , 士多啤梨味的，幾討好。但食食吓原來入面有好大堆 jam , 內外夾擊就變得偏甜了。環境一般啦，全場 self-serving ， 冇人執枱，冇服務可言。

因為delifrance前排做回收食物盒而拎到coupon所以就決定去試試佢因為要夠100先可以減50我係叫牛肉漢堡跟熱檸水男朋友就叫大蝦燴飯跟沙律同湯再加多一份12蚊既雞槌逐樣黎講下首先係雞槌係醃得好入味 冇雪味但就凍冰冰囉 完全唔熱 感覺放左好耐跟住湯跟左塊包 塊包真係完全唔好食呀！又冇味又凍又硬個湯就好鹹 但夠濃 稠稠的green Salad就係普通野但我唔食醋 所以冇試了俾大家睇下相就算了戲肉主菜 成餐唯一值得贊👍既就係d蝦彈牙 同埋冇殼 但個飯就有保留意大利飯既特色 硬硬地但唔太符合我既口味食完好un胃個burger係牛肉黎其實成個包我都覺得怪怪地可能因為個包係長方形但舊肉係圓形包入面係多材料既 蕃茄 芝士 生菜舊肉都juice既但側邊d薯條真係衰過m記又凍又淋食左2條就放棄左總結冇coupon既話 我係唔會食架如果原價黎講 100蚊得到咁既質素我會寧願食其他但有coupon既話 你都會覺得尚可接受服務方面唔知呢排delifrance搞呢d promotion令到d staff工作量太大定點成個落餐過程都係好炆冇耐性問下coupon既用法就開始唔想答注意番 一張淨係可以用一張