Video
Read full review
2025-01-29
0 views
尖沙咀呢一間嘅待應服務態度完全不能接受。3:00pm 諗住同屋企人食下午茶。我地一入門口，見到有一枱客仲係入面食緊所以就入去試下呢間，見平時都有係觀塘間分店食開～服務態度都唔錯。入去之前個staff 同我地講3:30pm last order ，4:00pm 要落場，我地都話ok，因為唔係食好耐，食一陣我地其實都轉場。坐低未到五分鐘，就有一個staff 行過黎同我地講話要落場，叫我地快啲落野食，我就話QR code 落左，因為佢係QR code 落單。然後食野期間，keep 住有兩個staff 輪流過嚟同我地講「我地要落場」，但其實果陣我地食左三個字都無。其中有一個Staff仲離譜，喺我食緊嘢嘅期間佢喺我側邊細細聲講「其實我哋要落場，我哋要食飯啦」其實我本人都食緊飯，咁樣其實係勁冇禮貌，不如你一開頭就唔好俾我哋入間餐廳俾我哋食嘢？坐左五個字就有第三個staff （態度比之前兩個staff 好）行過黎同我地講「我地要落場，仲有無野食要加？」咁我地就話無野食加，你地要落場食lunch 都可以，無阻到我地。成餐飯屋企人人食得都勁趕，原本諗住帶佢地去食日本野開心一下，今次感覺實在太差勁。希望唔
3:00pm 諗住同屋企人食下午茶。
我地一入門口，見到有一枱客仲係入面食緊
所以就入去試下呢間，見平時都有係觀塘間分店食開～服務態度都唔錯。
入去之前個staff 同我地講3:30pm last order ，4:00pm 要落場，我地都話ok，因為唔係食好耐，食一陣我地其實都轉場。
坐低未到五分鐘，就有一個staff 行過黎同我地講話要落場，叫我地快啲落野食，我就話QR code 落左，因為佢係QR code 落單。
然後食野期間，keep 住有兩個staff 輪流過嚟同我地講「我地要落場」，但其實果陣我地食左三個字都無。
其中有一個Staff仲離譜，喺我食緊嘢嘅期間佢喺我側邊細細聲講「其實我哋要落場，我哋要食飯啦」其實我本人都食緊飯，咁樣其實係勁冇禮貌，不如你一開頭就唔好俾我哋入間餐廳俾我哋食嘢？
坐左五個字就有第三個staff （態度比之前兩個staff 好）行過黎同我地講「我地要落場，仲有無野食要加？」咁我地就話無野食加，你地要落場食lunch 都可以，無阻到我地。
成餐飯屋企人人食得都勁趕，原本諗住帶佢地去食日本野開心一下，今次感覺實在太差勁。希望唔好有人再中伏。
Post
