D. H. Crab (Closed)

唔知由幾時開始，城中興起一股Lobster Roll熱潮，賣龍蝦包嘅餐廳開到成行成市。的確係嘅，香脆嘅包夾住又大又紅卜卜嘅龍蝦鉗，鮮甜嘅蝦肉多到必晒出嚟，唔係唔吸引啊嘛？不過唔知點解我對龍蝦包又普通，始終都係鍾意芝士龍蝦伊麵多啲。星期日戇居居，見到呢度新開，我又未試過呢類型嘅包，就嚟呢度試吓啦。全場13個座位，牆上有好多蟹及風景相，環境都不錯King crab roll ($120)配一包薯片及飲品，chips以為係薯條點知係一包Lays classic薯片，失望咗；麵包用牛油輕輕煎過，外層鬆脆內層軟綿，牛油味濃郁，口感非常好；皇帝蟹肉拆肉後以適量自製蛋黃醬調味，感覺唔會太膩；蟹肉冇預期中多到滿瀉，而且太過細碎，口感冇咁好，但肉質都算爽口，微鹹有海水味Jumbo shrimp roll ($100)有4隻蝦，蝦肉清新爽口，冇其他花巧嘅醬汁，只有簡簡單單嘅鹽及香料點綴，咁就可以令鮮蝦味更加突出，肉質爽口彈牙，好味！老闆主動俾客人試吓是日餐湯，今日嘅係咖哩蟹肉湯，用原隻蜆及其他海鮮一齊煮，海水味甚濃，可惜我試咗一啖之後覺得太鹹；整體OK，但如果以薯條換咗薯片會更加吸引！