Video
Read full review
2024-04-07
976 views
繼續係豬扒系列，利申都隔咗成十日先再食㗎，只係對上一個post遲出咋🤪一心諗住堂食就可以食到最熱辣辣、最香脆嘅炸豬扒飯，亦係對炸物表達尊重🫡平時屋企炸嘢食，感覺到嗰股熱氣騰騰，都總要攤一攤先夠膽開動，但係今餐我只係影咗兩張相、聽咗一分鐘電話，豬扒連同成碟飯就已經變得微暖，入口冇難度🫠落單到上枱唔夠5分鐘，上枱嗰吓亦唔覺得佢好熱，望住眼前「製作需時 請耐心等候」嘅招牌，真係份外諷刺🥲不過都要讚吓個豬扒真係又厚又大塊，肉腍得嚟，冇我最驚嘅嫩肉粉味，而且外皮夠脆，如果再多啲椒鹽味就更好，依家似係避風塘口味多啲🤔同上一間唔同，呢間碟飯嘅份量係大到要打包走，可以一餐當兩餐食🍚
椒鹽豬扒飯
$78
31 views
0 likes
0 comments
一心諗住堂食就可以食到最熱辣辣、最香脆嘅炸豬扒飯，亦係對炸物表達尊重🫡
平時屋企炸嘢食，感覺到嗰股熱氣騰騰，都總要攤一攤先夠膽開動，但係今餐我只係影咗兩張相、聽咗一分鐘電話，豬扒連同成碟飯就已經變得微暖，入口冇難度🫠
落單到上枱唔夠5分鐘，上枱嗰吓亦唔覺得佢好熱，望住眼前「製作需時 請耐心等候」嘅招牌，真係份外諷刺🥲
不過都要讚吓個豬扒真係又厚又大塊，肉腍得嚟，冇我最驚嘅嫩肉粉味，而且外皮夠脆，如果再多啲椒鹽味就更好，依家似係避風塘口味多啲🤔
同上一間唔同，呢間碟飯嘅份量係大到要打包走，可以一餐當兩餐食🍚
Post
