柚屋 (Closed)

呢幾年深水埗、長沙灣開左唔少Cafe，好似多左好多地方hea，不過始終都好難搵到一間真係好舒服，可以慢下來嘅地方。知道長沙灣開左間柚子做主題嘅Cafe，位置偏僻，所以諗住去試下。因為間鋪對住內街，所以一時唔為意都行多左個街口，不過就算偏僻，可能因為始終都係細，加上食晏時間，所以去到嘅時候都幾乎滿座，只能坐在吧枱，其實無所謂，有啲陽光，仲幾舒服TIM。不過，可能因為始終唔夠空間，喺吧枱對住無乜人嘅街，有陽光曬進來，好想好好享受嘅時候，後面嘅人聲卻此起彼落，有點剎風景。（都明唔關店主事，只怪香港真係好多人…）食物方面，基本上選擇唔多，主要係兩款All Day Breakfast，同埋各款多士（店用「吐司」，但梗係覺得「多士」感覺親切啲）。因為唔想食煙肉，所以叫左呢款素嘅ADB。有炒雜菇、茄汁豆、炒蛋、沙律同多士，咁就68蚊，其實以ADB來說價錢OK。不過呢，佢跟餐只配黑咖啡……對於唔飲咖啡嘅我黎講，就只可以加錢配其他野飲。既然黎得柚屋，梗係點柚子類飲品，今次點左柚子茶。不過咁樣一加，成個餐變左九十蚊。到佢送到過黎嘅時候，不禁覺得份量有點少。女仔一個，正值Keep Fit中，所以尚可。而且味