Video
Read full review
2017-07-03
1255 views
見到 Facebook Wine Buff寫 “Enjoy free corkage when dining at Darcy & Liz restaurant!” (有關呢個優惠，讀者請看到最後)； 即刻睇吓呢間餐廳響 Openrice d comment， 11個笑， 1 個OK， 唔錯喎， 於是決定同 Gang 6響果度食花花同我嘅生日飯。餐前先送上麵包盤，仍帶微溫，但麵包無麵包香， 雖然暖暖地， 但係硬到界損個咀, 牛油亦無牛油應有嘅香味，平時我地我朋友麵包王，都只係食左半件就擺低。鵝肝雖然煎到外面熟，裡面軟嘅效果，但嫌外面太乾同埋唔熱。Parma ham 卷 – 可以。洋蔥湯 – 要用 disaster 黎形容, 唔駛用文字形容, 睇相 (係未攪已經咁樣)龍蝦兩食 – 有湯同意粉, 湯嫌太稀, 龍蝦味淡；意粉一般，應該無用番龍蝦本身D膏來炒，似係用果D即用意粉醬汁黎煮。蝦意粉 – 蝦應該係急凍嘅, “有創意” 地加左蝦米，唔中唔西，好唔夾。Iberico Pork Rib – 唔錯, 雖然有D懷疑係咪真係 Iberico Pork, 因為無應有果種肉味。Rib Eye – 由
餐前先送上麵包盤，仍帶微溫，但麵包無麵包香， 雖然暖暖地， 但係硬到界損個咀, 牛油亦無牛油應有嘅香味，平時我地我朋友麵包王，都只係食左半件就擺低。
鵝肝雖然煎到外面熟，裡面軟嘅效果，但嫌外面太乾同埋唔熱。
Parma ham 卷 – 可以。
洋蔥湯 – 要用 disaster 黎形容, 唔駛用文字形容, 睇相 (係未攪已經咁樣)
龍蝦兩食 – 有湯同意粉, 湯嫌太稀, 龍蝦味淡；意粉一般，應該無用番龍蝦本身D膏來炒，似係用果D即用意粉醬汁黎煮。
蝦意粉 – 蝦應該係急凍嘅, “有創意” 地加左蝦米，唔中唔西，好唔夾。
Iberico Pork Rib – 唔錯, 雖然有D懷疑係咪真係 Iberico Pork, 因為無應有果種肉味。
Rib Eye – 由於我地有幾位唔食得太生； 所以要求 MEDIUM WELL 然後切半舊再煎至 WELL DONE。我去過好多餐廳都好樂意咁做，不過個伙計好似覺得好奇咁。Anyway, 佢有照做，但因為本身塊牛排質地唔好(無論肉質或肉香，又好多筋)，煎得幾好都無用。
最後，要提提大家， Wine Buff響 facebook寫所謂 “Enjoy free corkage when dining at Darcy & Liz restaurant”，其實係要響 Wine Buff 買酒，去到餐廳出示番收據，並要帶番收據上果D酒先可以免開瓶費，我就一時大意，無睇到 “terms and conditions”，亦無book 枱時問清楚店員，就好魯莽咁帶左4 支唔係響 Wine Buff 買嘅酒；要捱$200 一支開瓶費。其實我都有響 Wine Buff 買過酒，但即使我能出示收據；店員都話係公司policy，一支都唔能夠免，因為我帶果幾支都唔係響Wine Buff 買的。
Post
