妹記大排檔

Open Now

Now Closed

好耐都冇嚟尖沙咀食呢一間妹記大排檔佢原來而家個地址已經搬咗，呢一間大排檔有好多唔同嘅菜式，我同朋友之前聚餐，非常鍾意來食，餐廳飲啤酒嘅時候，亦都會提供出名嘅戰鬥碗！非常有特色，可以用個碗飲啤酒非常搞笑 今日就叫咗幾個唔同嘅小炒，有我最鍾意嘅黃金炸魚皮，係鹹蛋黃醬，再加魚皮，即叫即炸脆卜卜非常好食，而且熱辣辣 另外叫咗炸大腸，炸大腸洗得非常乾淨，食落去絕對唔會有異味，呢個位非常值得加分，另外蠔餅亦都即叫即做，非常鍾意蠔餅嘅口感！有機會一定會再返嚟，美中不足嘅係佢有少少時間限制，食得有少少趕，如果食得慢嘅朋友要留意一下