妹記大排檔

Open Now

Now Closed

放工時間，增肥時間到了，又去gathering ,又不是太肚餓，所以這次就去了吃打冷，只叫餸吃了。環境模仿打冷環境，不過是樓上舖，比較衛生。餐具🥢蠔仔煎餅 $88 ▶️口感酥脆鬆化，內裡鮮嫩，蠔的鮮味與餅皮的香脆完美結合，煎餅的外皮金黃酥脆，內裡的蠔肉鮮美。還有一陣陣芫荽香味。🥢紅燒乳鴿皇 $156/2隻 ▶️搭配濃郁的紅燒醬汁，口感豐富，香氣四溢。乳鴿肉質鮮美。紅燒乳鴿皇的烹調技巧恰到好處，讓肉質保持鮮嫩，醬汁入味，每一口都能感受到乳鴿的鮮美和紅燒醬汁的濃味。🥢豉椒炒蜆 $108▶️蜆肉鮮甜彈牙，搭配豉椒的香辣調味，讓人食指大動。炒蜆十分有鑊氣，讓蜆肉保持鮮嫩，豉椒的香味完美融合，每一口都能感受到蜆肉的鮮美和豉椒的香辣，不過份量比較少。🥢咸魚茸飛天通菜煲 $98 ▶️通菜的爽脆口感，入口鮮美清甜，讓通菜保持清脆，湯汁入味，每一口都能感受到通菜的鮮美和湯汁的鮮甜。不過嚐不出咸魚的香味。整體來講，鑊氣十足，典型的大排檔風味，又不會似大排檔環境差

好硬同好咸嘅炒河粉，已經是lunch hour 但呢碟係好難食嘅炒河粉，我已經同店員講咗，佢話下次叫我叫少鹽少油，咁死得啦！即係趕客嘅！已經上次來叫乜冇乜都唔知點做大排擋，奉勸都係唔好去喇

晚間朋友飲酒食小菜好地方，妹記其實出哂名，品質穩定，味道很好好少失望。我每次必叫蠔仔粥，大大鍋，足夠三至四人分享，蠔仔新鮮。薯仔牛柳粒，牛柳比糖漿包住每粒咬落口煙靭甜甜地。豉椒炒蜆，蜆肉大大粒，好有鑊氣椒鹽九肚魚，送酒一流。

大排檔餐廳，現時買少見少今晚所有小菜都熱辣辣，其中的椒鹽鮮魷$98，我覺得個皮厚咗一啲，另外那個避風塘茄子$85，個皮都好厚，好似得六七件，價錢看似大眾化，其實份量都好細，人少少都可以乳鴿一隻 $78，味道可以蠔仔粥$138算係最抵吃，蠔仔都幾新鮮叫咗個蒜蓉炒生菜啤酒$37就有1樽，用傳統的冰碗飲啤酒特別過癮，價錢都唔貴另外還有特色飲料，侍應們他們態度都可以，但用餐時間只有90分鐘，真係啱啱食完就要馬上埋單

好耐冇食，尖沙咀鋪搬咗之後第一次食，結果勁失望🫠薯仔牛柳粒明顯係一早煮好 薯仔皮淋哂 蠔餅薄ee咁 蠔又少 飛天通菜煲 個煲凍嘅 菜冇味得嚟好油 成餐冇樣得 間嘢七成都大陸人食 冇哂以前個水準

真心難食 特別係小炒皇 未見過炒出黎係水淋淋料又用得差 份量少 價錢唔平 不會再去 求其穩間酒樓好過佢 ，因為佢地點好 所以個場都係爆滿人，因為太多人關係 根本做唔切,叫左佢拎野，聽完就算。

約左同朋友一行6人慶生食大排檔。訂左枱，7點入座，7:10落單，2分鐘入完單食物就立即上枱，第一樣係黑椒薯仔牛肉粒，我哋全部人都呆左，同個上菜既侍應講岩岩先落單，點解咁快就有菜上，唔係煮架？！待應無咩回應放低就走左，之後敏隔1分鐘左右就上一道菜。有椒鹽九肚魚，凍既，皮勁厚，勁咸。咸蛋炸魚皮，啲汁係淋上去，勁油，有少溫暖。啫啫通菜煲，個煲係凍冰冰既，純粹當一個碟上菜，並無鑊氣，絕對無渣渣聲。豉椒炒蜆，都只係咸覺番熱左些少。炸大腸，都係凍冰冰。當然作為客人我地覺得好燥，咁就諗住快啲轉場食其他野再同朋友切蛋糕。點知埋單果刻先知只收現金，支付寶，微信，並唔收信用卡，作為現代香港人，我哋6人有5個都無7百Cash，但好彩都仲有一個可以埋到單。然後就同待應講話我哋要拎返個蛋糕，佢話已經收左我哋$50切餅費。我哋話我哋都無向度食，佢話只要雪左都要收。然後我哋又話其實你啲食物咁樣向廚房準備好晒，凍既，我哋真係好失望唔想再留向度，我哋只係坐左30分鐘，果$50咁都仲要收。佢話食物有問題上菜時點解唔岀聲，可以收佢哋再整過。但大佬，邊個去呢啲食肆夠膽叫廚房再做過？唔驚加料咩，況且所有食物都係咁，唯有話比自己

妹記已經唔係當年嘅妹記！！！金沙大蝦球，一隻蝦仁切開三片再包勁厚嘅炸漿再炸，成碟都係油！ 鹹蛋黃油到濕到腍到好似南瓜蓉咁！ 以前嘅妹記好好食，而家越做越差，吊燒雞有浸臭味！ 其他菜普通到爆，求其一間茶餐廳嘅出品可能都好過佢！本身介紹遊客朋友嚟食，但係食到好心虛，咁難食都帶人地黎….中大伏！

📍妹記大排檔今次分享既呢間小菜相信大家都一定聽過👍🏻就係妹記大排檔啦‼️佢最出名就係戰鬥碗飲啤酒🍻同朋友一齊食飯飲返兩杯的確好極😆😆😆🐮黑椒薯仔牛柳粒 （$158）炸過嘅薯仔再加埋牛柳粒一齊炒非常惹味食得出除咗有黑椒調味之外仲有蜜糖調味又辣又香甜後生仔最愛🥰🥬咸魚茸飛天通菜煲 （$98）用咸魚茸炒通菜真係非常香‼️呢個菜真係人人都鍾意食😋🐟椒鹽九肚魚 （$88）九肚魚新鮮炸起熱辣辣又香脆🍳不過炸粉皮厚咗少少如果炸粉薄返少少就更加好味🦐黃金蝦球 （$128）黃金蝦球嘅賣相非常吸引‼️蝦球外皮沾滿鹹蛋黃食落鹹香味十足😚😚😚唯一挑剔係如果份量可以再多少少就更好😆🐥咕嚕雞球 （$88）咕嚕雞球每一件都大大嚿配料有菠蘿三色椒等等份量都好足‼️🐮沙嗲粉絲金菇牛肉煲 （$98）呢一碟餸係我最愛🥰🥰🥰沙嗲醬既味道同金菇牛肉非常夾粉絲更加索滿沙嗲汁非常入味‼️呢碟餸用嚟送飯一流🤤🤤妹記大排檔係一間喺油尖旺區非常抵食嘅小炒餐廳如果一班朋友聚會又想啤啤佢🍻呢間餐廳真係非常適合👍🏻👍🏻👍🏻✅

對上一次幫襯妹記大排檔已經係幾年前嘅事啦，當時仲喺另外一個地址今次有朋友喺外國返嚟佢話好想食大排檔，但係又唔想熱辣辣所以我哋今次就揀咗嚟食妹記啦我哋一行五人有男有女總共叫咗八個餸全部都即叫即做好有鑊氣有啲嘢食仲要一嚟到即刻掛住食相都唔記得影㖭黃金蝦球好好味蠔餅炸得嚟完全唔油膩吊燒雞皮脆肉嫩椒鹽墨魚嘴辣味爽口沙嗲牛肉煲牛肉非常嫩滑入味扇貝 蟶子 海鮮類別都好新鮮食咗咁多濃味嘢，叫返個西蘭花帶子清一清個口最後埋單落樓$1300唔錯唔錯，都幾滿意

朋友要移民，離開香港前，當然是要吃盡香港本地美食，大排檔自然是非吃不可。我們6時半入座，已經坐滿差不多一半人，侍應的招呼也算是不錯。根據朋友的喜好，點了「脆皮炸大腸」、「蠔仔煎餅」、「炸乳鴿」、「炸豬手」、「西蘭花黃金蝦球」(唔記得係咪呢個名)除了一個清炒菜，其他全部都是炸的!!! 「脆皮炸大腸」和「炸豬手」最好味，其他也不錯!

突然想食大排檔，求其搵左間，上到樓都唔少人排隊。咁多人排隊，心諗實好好味啦😋由於最近比較熱氣，都唔敢嗌炸嘢，所以叫左三個應該唔會中伏既餸：1⃣️豉椒炒蜆$108正常發揮，D蜆好大隻，一碟有9隻。2⃣️魚香茄子煲$98送飯一流，D茄子唔夠腍。3⃣️沙嗲粉絲雞煲$92都好夠味，沙爹味重。結語：餐廳上菜快，三道菜都正常發揮，夠鑊氣，而且好入味，送飯一流😋不過，當我地食完（大概40分鐘），想坐耐少少嘅時候，伙記好快就收晒我哋啲碗筷，而且呢頭收完碗筷，唔使1分鐘就出咗張單叫我地埋單。如果可以坐耐小小就好啦😉

味道麻麻，菜單沒價錢，買單時先知道一份薯仔牛柳158。不過，蒜蓉粉絲蒸勝瓜不錯，蒜蓉味很香。蚝仔饼還算好，除左配的汁極鹹。上菜速度非常之快，懷疑是預製菜。蒸勝瓜5分鐘不到就上桌了。

服務真心好細心地方乾淨～ 特別啲櫈～ 地板都好乾淨落力介紹餐牌我地兩個女仔食，特別提醒不要加白飯先，看啲餸食唔食得哂先餐牌上的食物真係好多款式、種類、煮法（不是只有炸嘢、生野）講完感覺之後啲餸上來，有驚喜，擺盤靚，大份好抵食，上菜快～

#foodielagblah尖沙咀 鑊氣十足嘅港式大排檔：妹記😍
✨環境和服務：整體整潔、乾淨，上菜快。👍
✨地點：尖沙咀B2直行1分鐘就到，好方便。
✨食物：
1️⃣香蔥椒鹽鮮蝦
鑊氣十足嘅菜色，椒鹽濃得嚟唔會太咸，蝦亦好鮮甜！
2️⃣脆皮燒雞（半隻）
皮薄兼脆不在話下，連雞肉都係鮮嫩而不柴口，好多時啲雞肉鮮嫩往往唔可以煮太熟，因而會有血水，但呢碟無血水！又做到鮮嫩！我一個人都隊咗3分2，食到夾完一件再一件！
3️⃣西蘭花炒帶子
西蘭花亦好軟淋淋，帶子大口而鮮甜！
*人均$200
📍：港鐵尖沙咀/尖東站 B2 出口, 步行約1分鐘......#tst#tsuishatsui#foodie#foodgram#大排檔#妹記#妹記大排檔#鑊氣#鑊氣小炒#鑊氣十足#香氣#海鮮#脆皮雞#帶子