田記魚蛋牛腩專門店 (塘尾道)

Open Now

Now Closed

話說幾星期前，試過田記D崩沙牛腩撈麵，發覺牛腩有些乾和柴，撈麵又梘水味偏重，碟腩汁菜又唔新鮮有渣，今日午飯决定再去試下，睇下觀感有冇改變。聽老闆女話叫了個魚蛋米$30、崩沙腩河粉$50，一碟芥蘭$15，兩杯凍飲(跟餐共$14)。魚蛋米湯底清甜，大地魚味重，勁多䓤，魚蛋魚片各三粒，正如餐牌上說，用新鮮魚打，不醎卻吃出淡淡魚鮮味👍👍，清清地，唔錯。崩沙腩河粉，勁多湯，個碗舖滿崩沙腩，件件肥美，腩湯超正，有牛香又甘甜，田記都均均真真的，件件是崩沙腩没有溝雜其他部位，扺讚！今次崩沙腩不柴，很juicy，浸在牛湯中，入口淋滑👍👍👍碟芥蘭比上次碟菜芯好得多，没有渣，算新鮮。今日再試田記，他的魚蛋和崩沙腩確實出色和抵食，不得不俾番個好評😋佢。