意粉屋 (Closed)

5月1日出了荃灣廣場食生日飯，初初諗住食素，但訂左位都要等，門囗仲企滿人，等左一陣放棄左，就去左隔離的意粉屋食，完全唔使等位，一去到就可以安排，我地坐係最入位置，地方都几大，不過于迴曲折了少少！我地四人叫左一客法式田螺焗薯蓉，煙肉腸仔意粉，兩客酥皮海皇湯，意式焗豬扒飯，煙三文魚pizza(薄批)！！田螺好味，有數粒，薯蓉好滑好香，份量都不算少，還有三片蒜蓉包，但是好乾好硬，失色煙肉腸仔意粉都有好多配料，上面有一些煙肉碎，好香，腸仔一少片的，好入味！唔會過咸，味道配撘適中，意粉爽口唔係過熟的，good!酥皮海皇湯個湯好多料架，有蝦，魚，蜆肉，濃度刚刚好，沒有過結或過稀情況，好味！酥皮浸在湯入面仲正及入味！煙三文魚pizza好多三文魚呀!同埋蟹子，唔會腥，個pizza好薄好脆，好有口感，好正！意式焗豬扒飯都好大份，豬扒有五至六件，炒飯底，豬扒好淋好好食，但又唔係淋到冇晒肉味喎！！食到好飽好滿足，服務都好好，不停加水給我們！