Video
Read full review
2019-09-01
592 views
師傅喺旺角區，見有啲肚餓，諗咗一陣食乜好? 師傅記得呢度有一間食店係食車仔麵，而且水準都唔錯，所以諗都唔使諗，即刻行過去食碗車仔麵先。入到去人唔多，由於又係下午茶時段，所以都有好多位坐，坐低之後個靚女侍應都好快埋黎師傅身邊，幫師傅落柯打。望左陣師傅就決定落單，一口氣柯打左幾款餸，分別係豬紅，豬皮，豬腸，牛腩同埋牛柏葉，而麵底就揀左油麵，跟住就配中辣，個靚女小姐仲話加埋腩汁好唔好，師傅當然話好啦，變咗腩汁加中辣。由於下午茶時段，所以有杯飲品會送返，師傅就揀咗杯凍檸茶 走甜。落完單唔使等左好耐，就有得食。師傅先試下個湯底，湯底味道幾濃，加上香香甜甜，幾好味，再將辣醬汁撈勻，變為辣湯底之後，個味道變得非常惹味，甚為吸引。再試下個豬紅，豬紅都係一粒粒為主，又唔算滷得好入味，但又唔算好差，口感都好煙煙韌韌，唔會一夾就散，都可以。至於豬皮就比較參差，都係屬於半爽半腍嗰種，如果啲豬皮可以再爽口少少，就會更加好啦，而且非常入味，所以都可以。豬腸又係一絕，炆得超腍，加上腸身超肥美，超好食，呢個豬腸絕對係師傅必食推介 。另外兩個餸都比較令人驚喜，分別就係牛腩同埋牛柏葉，牛腩好香，要肥有肥，要瘦有瘦，唔係碎
入到去人唔多，由於又係下午茶時段，所以都有好多位坐，坐低之後個靚女侍應都好快埋黎師傅身邊，幫師傅落柯打。望左陣師傅就決定落單，一口氣柯打左幾款餸，分別係豬紅，豬皮，豬腸，牛腩同埋牛柏葉，而麵底就揀左油麵，跟住就配中辣，個靚女小姐仲話加埋腩汁好唔好，師傅當然話好啦，變咗腩汁加中辣。由於下午茶時段，所以有杯飲品會送返，師傅就揀咗杯凍檸茶 走甜。
落完單唔使等左好耐，就有得食。師傅先試下個湯底，湯底味道幾濃，加上香香甜甜，幾好味，再將辣醬汁撈勻，變為辣湯底之後，個味道變得非常惹味，甚為吸引。再試下個豬紅，豬紅都係一粒粒為主，又唔算滷得好入味，但又唔算好差，口感都好煙煙韌韌，唔會一夾就散，都可以。
至於豬皮就比較參差，都係屬於半爽半腍嗰種，如果啲豬皮可以再爽口少少，就會更加好啦，而且非常入味，所以都可以。豬腸又係一絕，炆得超腍，加上腸身超肥美，超好食，呢個豬腸絕對係師傅必食推介 。
另外兩個餸都比較令人驚喜，分別就係牛腩同埋牛柏葉，牛腩好香，要肥有肥，要瘦有瘦，唔係碎腩，入口唔韌，所以都幾好食。至於牛柏葉入口好爽，雖然冇滷過，但口感一流，勁爽唔韌，掂喎! 至於油麵就普普通通，不過不失。凍檸茶普通，正正常常冇大驚喜，可以。
總括黎講食物質素不俗，環境都舒服，冷氣都幾夠，環境乾淨衛生，價錢都唔算貴，下午茶時段56蚊五個餸一個麵，仲要送杯飲品，都算幾抵食。埋單嘅時候再送多張贈飲券，方便師傅下次黎食嘅時候可以有杯飲品，又幾化算喎。笑臉絕對可以比，呢間肯定會再黎，雖然地點偏左少少，但無損師傅下次再黎嘅心。
$56
29 views
0 likes
0 comments
凍檸茶
11 views
1 likes
0 comments
Post
