上海姥姥 (Closed)

係樂富打波前同朋友先食個飯，係樂富唔知有咩食，只好係個有蓋平台到求其搵間食。入黎食個上海麵加啲小食一陣打波就剛剛好啦～ 呢兩個小食係輕盈份量，我地相信個燻蛋係鴨蛋，燻蹄中間比較多肥膏但係呢兩個小食係比較好食既菜了。擔擔麵同排骨拉麵個麵都算合格但唔夠煙靭，排骨都算大份，我自己叫擔擔麵都加左一份排骨。擔擔麵個湯都算唔錯，味道幾平衡。跟住落黎係最差既包點部門，小籠包好厚皮，好似啲舊式上海店個種小籠包，但依家好多店鋪都做到皮薄多汁，所以呢個小籠包令我好失望，太'老‘啦～生煎包個底好似冇煎過咁，入面好厚既包又冇肉汁，好似食緊菜肉包咁。總結上海佬佬啲包點做法太舊式，令佢分數大打折扣，其他菜式都只係中規中矩，唯一比較推崇既係佢服務態度唔錯，但本人未必會再光顧啦。