Vision 8

Open Now

Now Closed

好鍾意食威靈頓牛柳但唔識整，今日個friend帶咗我去荃灣享和街食西餐，佢話呢度有好正嘅威靈頓牛柳。今晚係閒日，我哋八點幾到全場滿座，食客普遍屬於年輕一族，隔離枱有十幾個年輕人慶生，有兩個生日蛋糕，氣氛相當好。坐低先嚟一份餐包，有三款，配黑松露牛油；叫咗份黑松露薯條，點茄汁或溝咗黑松露嘅沙律醬；再叫咗個香煎比目魚菠菜汁天使麵，兩塊比目魚表皮香脆，肉質鮮嫩，好好味！我最期待嘅威靈頓牛出場，女侍應見我鍾意影相，畀我影咗先，然後攞入廚房切開三件，牛柳係三四成熟，中心係鮮紅色但唔會太生，酥皮脆卜卜，配埋個黑松露醬，唔會太漏，口感極好！食完先發現全餐有好多黑松露嘅嘢，最後證實兩個人係食唔曬，薯條份量太多下次可以唔叫，見到隔離枱啲Parma ham沙律好正，下次可以叫。