Video
Read full review
2010-07-24
18 views
今晚八點鐘左右去到，全場室內座位九成爆，加埋我地一行二人，即刻變全爆... 後來者唯有出去睇海景面對炎熱海風，爭到兩個室內位o既我地暗叫好彩。 座位有著落，即刻叫野。早前去GOBUXX.com買左預購券，廿蚊可以歎一set Manhattan Combo(細薯條+熱狗+12oz.汽水)，張券一出，收銀隨即意會，並且問我地要唔要加錢增薯條量或者加錢換特別醬汁，結果當然係無加到錢，因為今日主要係黎試食，我覺得如果佢地連最簡單o既野都整唔好，加錢係無謂o既，所以睇定D好。 薯條係即炸。一路等留意到室內有企位，而醬料吧亦算企理寬闊。汽水種類算多，至少有ZERO飲。成個餐用一個一吋深o既圓金屬盤裝住，落薯條調味粉o個陣就唔使整到周圍係，唔錯。熱狗醬料除左典型o既紅黃綠(已包裝)三款醬之外，仲有一D自己加o既配料，我加左黑橄、酸瓜、蕃茄同洋蔥碎。附近仲有非常齊全餐具，有刀可以俾你將個熱狗一開二。 配套唔錯，服務中上，可惜食物質素呢... 唔係差但係就令我覺得有少少遺憾，畢竟係專登搭車過黎試。薯條新鮮而唔脆，水氣好重，雖然有調味粉落好好玩；熱狗腸有水烚feel，單張話佢地係蒸，anyway
座位有著落，即刻叫野。早前去GOBUXX.com買左預購券，廿蚊可以歎一set Manhattan Combo(細薯條+熱狗+12oz.汽水)，張券一出，收銀隨即意會，並且問我地要唔要加錢增薯條量或者加錢換特別醬汁，結果當然係無加到錢，因為今日主要係黎試食，我覺得如果佢地連最簡單o既野都整唔好，加錢係無謂o既，所以睇定D好。
薯條係即炸。一路等留意到室內有企位，而醬料吧亦算企理寬闊。汽水種類算多，至少有ZERO飲。成個餐用一個一吋深o既圓金屬盤裝住，落薯條調味粉o個陣就唔使整到周圍係，唔錯。熱狗醬料除左典型o既紅黃綠(已包裝)三款醬之外，仲有一D自己加o既配料，我加左黑橄、酸瓜、蕃茄同洋蔥碎。附近仲有非常齊全餐具，有刀可以俾你將個熱狗一開二。
配套唔錯，服務中上，可惜食物質素呢... 唔係差但係就令我覺得有少少遺憾，畢竟係專登搭車過黎試。薯條新鮮而唔脆，水氣好重，雖然有調味粉落好好玩；熱狗腸有水烚feel，單張話佢地係蒸，anyway 熱狗腸唔係脆皮腸(唔知道係佢原本就唔脆定係人為整到佢唔脆)，食味okay口感麻麻地，唯一讚o既係份量夠，唔係縮水熱狗而且係 真．熱狗腸。
隔離枱o個家人叫左一個set，杯薯條個size同中汽水一樣。我發現佢地食薯條o既時候同樣無脆o既聲音，唔知係咪店內音樂太大聲呢..........
整體而言，廿蚊食到呢個Manhattan Combo 仲係比老麥抵，咁大個醬料吧，淨係玩都值啦！不過如果正價四十五蚊食返呢...... 我覺得... 好貴。
抵食分數完全係因為有預購券優惠(四折)，無折扣的話，分數只有1。尖咀食野果然有返咁上下貴。
手上仲有一張預購券，點都會食埋，只係未定去朗豪坊定黎返呢度。
Post
