Video
Read full review
2019-06-02
44 views
我的肥媽媽出名厭尖，覺得出街食都唔夠自己煮咁好食，為左令佢心服口服，揾左好耐，比我揾到間高質鐵板燒💃🏻食到佢lam lam脷tim😂崟對於九龍人真係好遠，但其實車程又唔耐，紅磡出發搭西鐵去錦上路，再轉程幾分鐘既巴士係高埔村落，總共都係大半個鐘到，肥媽媽都話咁好方便👍🏾成個餐廳外面都係以木為主，冇窗，得一道細細既門，好有神秘感🤫入面一眼望晒，鐵板燒位坐到十零個人，再有幾張木枱，所以要黎先預約會好啲🤗Menu 有好多套餐揀，睇自己鐘意食咩，肥媽媽話要食龍蝦，咁就揀活龍蝦鐵板二人餐😘1️⃣溫室野菜沙律+醃螺先黎個新鮮沙律幫你熱熱身。另外前菜係醃好既東風螺，好入味，但因為醃得耐令爽口度就冇咁高。2️⃣北海道帆立貝紫菜同高湯煮熱，再加入煎香的帆立貝，帆立貝因為煎到剛熟，所以肉質腍卻彈牙，高湯本身十分鮮味，自家醃製既三文魚籽亦夠鮮甜，三樣食材配合甜上加甜🥰師傅話用黎點綴既紫蘇花都可以食用架，個擺碟真係好有心思，靚到唔捨得食😋3️⃣日本響螺師傅將大大隻螺切片，再炒香，其間只係略略加鹽調味。食落非常爽口，唔駛過多既調料，新鮮既食材食番原汁原味最正👍🏾師傅介紹可以蘸海鮮汁食唔同既味道，海鮮汁既酸酸甜甜令螺片愈食愈開
崟對於九龍人真係好遠，但其實車程又唔耐，紅磡出發搭西鐵去錦上路，再轉程幾分鐘既巴士係高埔村落，總共都係大半個鐘到，肥媽媽都話咁好方便👍🏾
成個餐廳外面都係以木為主，冇窗，得一道細細既門，好有神秘感🤫入面一眼望晒，鐵板燒位坐到十零個人，再有幾張木枱，所以要黎先預約會好啲🤗
Menu 有好多套餐揀，睇自己鐘意食咩，肥媽媽話要食龍蝦，咁就揀活龍蝦鐵板二人餐😘
1️⃣溫室野菜沙律+醃螺
先黎個新鮮沙律幫你熱熱身。另外前菜係醃好既東風螺，好入味，但因為醃得耐令爽口度就冇咁高。
2️⃣北海道帆立貝
紫菜同高湯煮熱，再加入煎香的帆立貝，帆立貝因為煎到剛熟，所以肉質腍卻彈牙，高湯本身十分鮮味，自家醃製既三文魚籽亦夠鮮甜，三樣食材配合甜上加甜🥰
師傅話用黎點綴既紫蘇花都可以食用架，個擺碟真係好有心思，靚到唔捨得食😋
3️⃣日本響螺
師傅將大大隻螺切片，再炒香，其間只係略略加鹽調味。食落非常爽口，唔駛過多既調料，新鮮既食材食番原汁原味最正👍🏾
師傅介紹可以蘸海鮮汁食唔同既味道，海鮮汁既酸酸甜甜令螺片愈食愈開胃😬
4️⃣白甘鯛
你可以揀鱈魚或者揀白甘鯛，我就梗係試啲未食過既。
師傅會將魚皮連鱗片炸，魚肉就係焗熟既，配埋好特別既黑松露支豆薯蓉汁，真係非常好食。第一次覺得魚鱗係咁好食，炸到非常脆口，連同嫩滑既魚肉一齊入口，口感好有層次👍🏾👍🏾個汁都做得好出色，咁濃郁既汁不但冇掩蓋魚既鮮味，反而為淡身既魚肉加分，令人食完都再三回味🥳
5️⃣海膽龍蝦膏活龍蝦🦞
師傅用既係本地龍蝦，size都唔細，兩個人每人都有三塊。有龍蝦起肉show 睇🤗，起完肉再加入龍蝦頭入面既膏及海膽整既汁拌炒。龍蝦肉鮮甜爽口，個汁一流，仲食到海膽粒粒，呢一碟真係強強聯手，冇得輸🥇🥇
6️⃣沙糖多士🍞+青檸Jelly
Break time❗️試完咁多咁震撼味蕾既海鮮，要抖一抖，食番啲甜野清清味蕾，ready for 下一道重頭戲。個沙糖多士又幾香脆，甜甜地好好食！青檸啫喱都係一個好好既過渡甜食😝
7️⃣鹿兒島A5和牛🤗
煎前師傅會比你欣賞下和牛生前既最後一面，油脂非常豐富而且分佈好平均。
煎至五成熟後，食到佢柔軟既肉質，郁郁既油脂，每一口都好滿足😘配上煎香既蒜片食，又有另一番風味💁🏻♀️
8️⃣和牛膏炒飯🍚
油渣就食過，牛油渣你又食過未❓師傅將頭先和牛既肥膏煎到逼晒啲油份出黎炒飯，零舍香口😋而且炒飯粒粒分明，炒到乾身，唔會油膩，而且加左櫻花蝦、紅蘿蔔洋蔥粒等等，啖啖都好有嚼口👍🏾
9️⃣鯛魚湯
聽講用十幾斤既鯛魚先熬幾碗湯咋🤫完全係精華，非常濃稠❤️
1️⃣0️⃣蒜蓉炒椰菜🥬
蒜蓉炒任何野都係冇得輸，椰菜仲好爽脆，食到呢到已經係尾聲🥺
1️⃣1️⃣芝麻雪糕
一球濃郁芝麻香既雪糕做句號
好開心食到咁用心製作既食品，望住師傅認真咁烹調每一道菜，可以見到每一個步驟都係好講究，用既調料雖然好簡單，但更凸顯師傅既功架同食材既新鮮🥇🥇大家都食到肚仔滿滿咁走💃🏻
Post
