勇記海南雞 (隆基大樓)

Open Now

Now Closed

第一次食勇記係上環蘇杭街個間, 試過一次覺得拍得住新加坡個D海南雞! 咁岩發現原來番工附近已經係勇記的總店, 所以一定要來排隊試下!我地一行4人, 就叫左個4人餐, 有一隻招牌去骨海南雞, 小食可以3簡2, 我地簡左墨魚餅+雞棗, 生炸豬扒同手拍青瓜係鐵膽黎, 飯的話可以選油飯或白飯, 我就簡左白飯, 好似無咁肥~首先每人來一碗椰子雞湯~ 椰子雞湯非常足料, 飲到雞湯的鮮味, 帶有少少椰子及紅蘿蔔的清甜味, 非常好飲! 之後好快就上左海南雞及其他小食, 我最鐘意呢隻海南雞係去骨的, 啖啖肉, 當然雞脾同雞翼位係仲有骨的~ 雞肉嫩滑多汁, 雞皮煮到仍然保持到爽彈爽滑, 連我平時接受唔到雞皮質感的人都食到少少雞皮~~ 至於小食, 雞棗及生炸豬扒就炸得外皮酥脆, 裡面的肉質都還ok, 再配上少少泰式辣醬, 都幾惹味~ 墨魚餅就正常發揮~