吞POT 雞煲火鍋.住家菜 (山林道) (Closed)

吞POT 雞煲火鍋位於尖沙咀山林道, 距離佐敦地鐵站約8分鐘路程, 餐廳座位寬敞舒適, 適合一家大細或三五好友共聚。 餐廳主打以雞煲火鍋為主, 雞煲辣度可任君選擇, 建議先叫碟炸支竹請餐廳於烹煮雞煲時一併放下, 炸支竹吸收雞煲原湯汁, 份外入味，比起放湯更加好味。雞煲雞肉非常嫩滑, 半隻雞份量二人晚餐剛剛好。 餐廳菜式份量比想像中大, 美國肥牛肥瘦適中, 有牛味, 有咬口, 屬於必點項目。手打蝦丸乒乓球般大粒, 非常彈牙，好食。