炎丸居酒屋 (Closed)

之前寫咗一篇關於服務混亂，好嬲嘅食評！都未寫番當日食物嘅食評！而家補番！肥髀考完試，同佢在時代廣場睇完戲，無乜心水食乜，商場行落去，見一間日式居酒屋,午市套餐選擇多,可惜剛剛滿座，要取票等10分鐘，吧枱先有兩個位！場內好大，中央一個正方形吧枱上有好多串燈籠！我哋坐壽司吧枱，對住啲師傅本壽司，不過我對正出菜位，所以好多時都有店員隻手在我面邊攞食品！午餐選擇多！肥髀一個壽司定食，我本來叫燒牛舌！可惜賣晒！轉了燒牛肉定食！定食都在中央吧枱備齊先一盤上！賣相好整齊！定食：麵豉湯：我嘅好夠熱，肥髀嘅只係微暖，唔太鹹，麵豉味蔬菜湯！飲完唔口渴！沙律：紅椰菜較苦，其他蔬菜正常，沙律醬似係千島醬，無咁酸！自己最喜歡紅腰豆，又大粒又淋！前菜：青瓜太淋唔爽口，醬汁好漿口，肉粒雖然唔韌但無乜味燉蛋：蛋唔夠滑及熱，應該已經咁一段時間！醃菜：醃蘿蔔鹹鹹地好爽脆，紫色泡菜雖然脆口但好鹹！手握壽司定食（$148）賣相幾靚，我哋坐壽司吧枱，見住師傅整，整好放在上菜位，配埋其他定食菜色一齊上，肥髀唔食嗰幾件比咗我，試咗熟蝦，熟嘅爽口唔腥，魷魚肉滑但頗韌！飯糰比平時迴轉壽司店嘅細同鬆，無咁實！用筷子要啲技巧夾！燒牛肉定食