季季紅風味酒家 (Closed)

是咁的，本來6位老友諗住高高興興去食人隻豬，點了半席588元，另周日晚附加100元，我哋揀當中六樣菜式包括招牌菜乳豬半隻。 點知等了近一個鐘， 依然冇喱動靜，唯有三催四請，先後向好幾名部長及主任級人馬，多次叮囑我哋order 咗半席，仲未上菜，佢哋亦有查看賬單，睇下我哋點D乜，點解咁耐未出得 。 終於首兩碟菜式菜膽湯及豉油雞姍姍來遲出現。每碟也煮得相當入味，份量又多，令我哋覺得久等也值回票價，仲諗住上網大讚季季紅抵食夾大件但係當各款菜式也食得七七八八，隻豬呢？有位經理走埋來check 單，話佢哋員工搞錯咗，明明半席卻俾咗全席我哋，呢家唯有扣起隻乳豬唔黎當算數。即使我地再三強調來呢度食就係為隻豬，佢也只肯送張乳豬贈券叫我哋下次再來幫趁。 懷著失望嘅心情返到屋企，睇番張券，截止日期，8月31，即係7日之內 。真係多謝晒！