Video
Read full review
2010-02-01
31 views
昨晚一家人做節, 去0左藍地間季季紅吃飯. 都幾似大陸0的舖頭... 之前已經去過華都商場0個間, 已經覺得好正, 所以今次0黎總店, 都好期待. 我地一行總共18人, 坐埋一圍.我地一共點0左18個餸菜. 燒鵝: 都可以, 但肉唔夠嫰, 燒鵝汁都唔夠濃. 菠蘿咕嚕雞球: 都好味0既, 有汁之餘都夠脆.黃金蝦: 係我吃過最唔夠"黃金" 但又好有"黃金"0既黃金蝦! 所以我都唔知佢好唔好… 風味乳香豬: 真係好鬼好味!!! 剛剛燒起0既乳豬仔, 0的皮勁脆, 好香!! 初時阿媽夾0左一件, 想點乳豬醬, 我叫佢唔好點, 就咁吃已經好有味. 真係鎮店之寶!!! 我自己唔太好乳豬, 都吃0左4件!!! 真係好好味!!! 跟住席上人話, 係呢間先最好味, 因為華都0個間0的乳豬仔, 都係0係呢度燒好再運過去華都. XoX… 真係唔知呢!!! 所以要吃的話, 就要0黎總店!冰淋醬烤骨: 一道令人意外0既餸菜!! 睇佢以為係普通金沙骨+京都骨混合體, 原來係將金沙骨炸完後, 再以糖醋0黎炒, 好惹味!!! 之後再encore多一碟!! 正!! 再0黎必叫!!!蔥度蒜片爆牛肉: 雖然我唔食
之前已經去過華都商場0個間, 已經覺得好正, 所以今次0黎總店, 都好期待. 我地一行總共18人, 坐埋一圍.我地一共點0左18個餸菜.
燒鵝: 都可以, 但肉唔夠嫰, 燒鵝汁都唔夠濃.
菠蘿咕嚕雞球: 都好味0既, 有汁之餘都夠脆.
黃金蝦: 係我吃過最唔夠"黃金" 但又好有"黃金"0既黃金蝦! 所以我都唔知佢好唔好…
風味乳香豬: 真係好鬼好味!!! 剛剛燒起0既乳豬仔, 0的皮勁脆, 好香!! 初時阿媽夾0左一件, 想點乳豬醬, 我叫佢唔好點, 就咁吃已經好有味. 真係鎮店之寶!!! 我自己唔太好乳豬, 都吃0左4件!!! 真係好好味!!! 跟住席上人話, 係呢間先最好味, 因為華都0個間0的乳豬仔, 都係0係呢度燒好再運過去華都. XoX… 真係唔知呢!!! 所以要吃的話, 就要0黎總店!
冰淋醬烤骨: 一道令人意外0既餸菜!! 睇佢以為係普通金沙骨+京都骨混合體, 原來係將金沙骨炸完後, 再以糖醋0黎炒, 好惹味!!! 之後再encore多一碟!! 正!! 再0黎必叫!!!
蔥度蒜片爆牛肉: 雖然我唔食蔥, 但佢炒得好有鑊氣, 好香蔥味, 0的牛肉勁腍! 好似乸過咁, 但都好好味!!
蓮藕餅: 話係呢度0既推介之一, 但我個人覺得冇乜特別, 可能唔係特別難食啦… 我唔知呢道餸係咪好難整, 但… 真係無乜特別… 係個餅邊夠脆囉… 咁特唔特別呀?
柚皮火腩脆鱔煲: 因為三樣我都唔吃, 所以無試過. 但吃柚皮0既阿媽同細妹都話好好味, 0的柚皮好腍好入味, 0的鱔都好新鮮.
蠔豉炆腩仔: 都係我唔吃0既0野, 所以都無試過. 老公吃0左, 佢話0的腩仔好正, 索晒0的蠔豉汁.
椒鹽九肚魚: 好乾身, 好脆口, 但唔係粉, 真係大大舊魚0黎!! 但唔夠椒鹽, 再多0的就perfect!
瑤柱扒豆苗: 食材本身新鮮, 所以好味, 正常0既一碟菜.
玉蘭炒腊味: 即係菜心炒腊腸膶腸, 我只吃菜心, 係菜遠0黎, 好嫰. 媽話0的腊味都OK.
白切雞: 個個吃完都話隻雞好靚, 係新鮮雞, 唔係雪雞, 所以0的肉好滑, 0的皮好脆…
仲有兩個湯, 都係味精湯!! 仲要係強勁0既味精湯, 好似出前一丁個湯咁! 0岩晒細妹!
後補兩個菜:
蒜蓉菜心: 勁香0既蒜蓉味, 好夠鑊氣, 勁正!! 食0左好多!!!
腐乳生菜: 0的腐乳好香, 想吃時已經冇晒…
如是者吃得勁飽0既一餐~~!! 連20支啤酒+半打汽+18碗白飯+4碗瀨粉= $2000 有找! 超值~!!
一定會再0黎吃!!!
Post
