Video
Read full review
2016-04-21
1253 views
係公司都將近渡過 10 個年頭了，已參加過幾位同事既婚宴，恭喜晒 ﹗如果無數錯，今次應該係第 4 次喇。美味菜單，都有幾款心宜對象喎，期待中。鴻運乳豬全體、碧綠花枝珊瑚蚌、百花釀蟹拑、花膠野菌扒翡翠、紅燒鮮蟹肉大生翅、清蒸海星斑、蠔皇原只鮑魚扣鵝掌、當紅炸子雞、富貴炒飯、上湯水餃、蓮子百合紅豆沙、意式泡芙酥。樓底又會那麼矮啊，好有壓迫感，空間感薄弱，而且枱櫈都擺放得密麻麻，感覺侷促唔夠開揚。天大既面子呀，連一向討厭聚餐宴會既老闆都抽空出席呢 ﹗順例影張合照，我經常懶到相都唔想行出去影啊。大會有以自助形式提供婚宴小點，每一出菜，賓客們就殺呀 ﹗我就靜靜地坐係度觀戰，非常有娛樂性。一輪撕殺後先出去睇睇有咩食，真係有點肚餓了 ﹗侍應們預備左碟雜錦喎，麻煩晒，我就試依碟啦。煙鴨胸雜果沙律，酸咪咪涼浸浸作開胃菜真係幾好，沙律醬撈雜果再搭上嚥韌鴨胸片塞入口，甜酸咸香同時出現，味道撞得精采。鮮蝦長春卷，我咬極都係得春卷皮既？無餡架？哈哈。燕窩蛋撻，一篤仔燕窩當然食落都 feel 唔到啦，蛋撻仲要極甜又結實，食緊砂糖一樣，不過酥皮做得唔錯。合桃酥，外形就好靚，感覺好膩好滯啊。鐵觀音，每次婚宴我都係選擇
樓底又會那麼矮啊，好有壓迫感，空間感薄弱，而且枱櫈都擺放得密麻麻，感覺侷促唔夠開揚。天大既面子呀，連一向討厭聚餐宴會既老闆都抽空出席呢 ﹗順例影張合照，我經常懶到相都唔想行出去影啊。
大會有以自助形式提供婚宴小點，每一出菜，賓客們就殺呀 ﹗我就靜靜地坐係度觀戰，非常有娛樂性。一輪撕殺後先出去睇睇有咩食，真係有點肚餓了 ﹗侍應們預備左碟雜錦喎，麻煩晒，我就試依碟啦。
煙鴨胸雜果沙律，酸咪咪涼浸浸作開胃菜真係幾好，沙律醬撈雜果再搭上嚥韌鴨胸片塞入口，甜酸咸香同時出現，味道撞得精采。鮮蝦長春卷，我咬極都係得春卷皮既？無餡架？哈哈。
燕窩蛋撻，一篤仔燕窩當然食落都 feel 唔到啦，蛋撻仲要極甜又結實，食緊砂糖一樣，不過酥皮做得唔錯。合桃酥，外形就好靚，感覺好膩好滯啊。
鐵觀音，每次婚宴我都係選擇滴酒不沾，茗茶唔飲酒架，當然盡量堅持，但有時人在肛門都身不由己要飲兩杯。孤單空虛的茶壺，得著有心人將他填滿！15 分鐘了，都無侍應理會，見大部份都好生手喎。
鴻運乳豬全體，難得一遇既高質金豬，皮脆肉嫩無話肥騰騰。乳豬三食，砂糖、乳豬醬、豆辦醬，各具特色、款款可口。脆皮下面黐住薄薄油脂再加最底咸香瘦肉，三層享受 ﹗食到連筷子都要損得乾乾淨淨。仲咩收晒我既燒豬仔腳呀？肉質最彈最有咬口既部位黎架 ﹗
碧綠花枝珊瑚蚌，演譯方法非常有趣特別，旺菜同花枝珊瑚蚌係分開煮，唔係一齊炒架喎。大家不約而同首先搶住食旺菜呢，花枝珊瑚蚌頓成配菜。上湯已將旺菜燴得微軟，但依然保持鮮爽口感，味道甜美，天然菜甜味跟上湯溶合在一起，絕對的天衣無縫。
將熱燙燙又充滿水份既旺菜不停輸送，每口爆汁，好食。花枝片雖則不是脆卜卜系，不過值其嚥韌鮮甜已經滿分。珊瑚蚌爽到索索聲，散發著上湯清香，完全無腥味或雪味，合格。
百花釀蟹拑，炸到金黃色閃令令非常吸引，四周再瀰漫著炸物既香氣，使人涶涎欲滴 ﹗感受到的溫度，剛剛炸起熱力迫人，淋上大量甜酸汁降降溫就可以立即品嚐。炸得金黃鬆脆又乾爽，非常之香噴噴，使到食慾倍增 ﹗
不要矜持，擘盡個口大大啖咬開，索一聲肉汁緊隨射出，看得見的 juicy ﹗蝦膠超級結實彈牙，跟魚蛋不遑多樣，鮮味震撼全身每個細胞，食到中間還有少許蟹拑肉作點綴，感動萬分 ﹗甜酸汁將煎炸及熱氣感中和，帶到另一美味境界。
花膠野菌扒翡翠，係婚宴上極為罕見既菜色，有創意又養生健康有益。上湯蠔汁已透切地燴飽花膠絲及雜菌，每啖都甜美爆漿。花膠黏黏彈彈，雜菌菇味出眾又爽口，菠菜爽嫩無渣帶濃厚菜甜味。捲在一起送到口中，澎湃汁液在齒間翻騰，味道併奏得出神入化，食得開心。
紅燒鮮蟹肉大生翅，近期電視有位大廚解釋浙醋並不是撈魚翅食的，正確係提供食客食完魚翅後清清味蕾及舌頭、清清芡汁糊口感覺的呢。但唔知道幾時開始，食客們當左浙醋係魚翅調味料囉，芽菜、芫茜同樣係比食客品嚐完碗翅先食架。我已被香濃芬芳既高湯魚翅氣味綁得緊緊，要用九牛二虎之力抑壓住衝動情緒，好讓侍應完成工作，分好魚翅比大家呢 ﹗
我已速勢待發，開動 ﹗大口大口地喝，高湯味道香甜濃郁，泛著微微蟹肉鮮味，魚翅爽爽彈彈，湯汁厚薄適中，食完嘴咀黏黏的，回味無窮 ﹗嘆完美味魚翅大滿足，呷一小口醋清清味蕾與喉嚨，預備迎接下一道佳餚。
清蒸海星斑，我點睇條斑都無星喎，係咪西星斑黎架？定係青斑混西星呀？但個樣都係似老虎斑，分唔開添，哈哈。清蒸海星斑，條斑唔夠熱只係微暖，都煮左段時間先送到。其實肉質微滑帶彈牙結實，不乏肉汁，深海魚本身魚味濃厚，沾上魚汁及蒸魚豉油都清甜可口，最衰就係夠熱有點腥味。
幾位食家都唔食魚，又係我出動既時候喇，可以獨佔三份，Lucky ﹗如果啖啖肉斑球撈上薑蔥豉油連魚汁精華，真係送幾碗白飯都唔夠喉呀 ﹗好采依度無白飯提供啫。魚肚我既、魚水撥我既、魚頭我既、魚三角都係我既，真係唔好意思喇。四眼侍應弟弟點解收走個魚頭唔出聲呀？點解連對面珠登都收走埋呀？好野我留到最後先品嚐架喎 ﹗依位四眼侍應弟弟您好還返比我喇！剛才乳豬腳又收晒唔比我食，哼！趕收工還是留返宵夜呀？
蠔皇原只鮑魚扣鵝掌，賣相真係有睇頭喎，原隻鮑魚肥嘟嘟，呎吋都唔細，西蘭花堆得滿滿，熱騰騰蠔汁富光澤立立令，擺位得體美觀。仲有輕煙幾縷緩緩冒起，吸引大增。侍應完成工作已分好喇，跟住又係我為大眾服務既時候，有同事唔食菜、有同事唔損腳指、有同事唔食鮑魚。無需擔心，等我蝕底一點，捱義氣吞晒去，多謝各位支持。
西蘭花爽嫩脆卜卜，原味蠔汁已好好味，沾上豆辦醬更添惹味，最怕食熟到腍劈劈或生到草青味既西蘭花。鵝掌炆既時間太短，還未 transform 到膠膠滑滑黏黏喎，依然保持爽口索索聲。蠔汁滲入鵝掌之中，每吋都已充滿蠔油鮮味，可以一啜再啜，損多幾隻腳指先。鮮鮑大大粒剛剛可以整粒塞入口，非常之彈牙滑溜，被蠔油燴得內外都散發著香氣，無法掩蓋其鮮味非凡 ﹗食多兩粒補補去先，我唔客氣喇。經過個幾鐘既衝刺後，終於有點飽飽地啊 ﹗我唔會放棄既，差不多任務完成架喇。
當紅炸子雞，真的開始有點吃不消，唯有試兩舊好喇，食左好多菜飽左。炸子雞皮薄香脆，不油不膩。雞皮有點咸，不過雞肉完全無味亦無雞味，要點黑糖吊吊味又可以減低咸味呢。髀肉滑彈、胸肉軟腍，合格。
富貴炒飯，瑤柱帶子菜粒炒飯，驚喜的炒得好呢 ﹗飯粒乾爽飽滿又嚥韌，唔好濕淋淋或黐埋一舊舊。雖然已炒好一段時間等出貨，不過蛋香非常，依然食得出好夠鑊氣，炒功值得一讚。上湯水餃，巨形原隻蝦球做餡，大大隻水餃將嘴塞得滿滿，蝦鮮爽味濃，湯汁味都濃而嗆，不過不失，都食得過既。
蓮子百合紅豆沙配意式泡芙酥，非常有特色既美點雙輝，中西合碧，造型燦爛奪目又香噴噴。開心既時候好快過，話咁快又要講 bye bye ﹗我當然走下場，再落酒吧繼續飲啦，司機已經等緊我喇。
煙鴨胸雜果沙律
31 views
0 likes
0 comments
燕窩蛋撻
55 views
0 likes
0 comments
鐵觀音
68 views
0 likes
0 comments
鴻運乳豬全體
46 views
0 likes
0 comments
碧綠花枝珊瑚蚌
43 views
0 likes
0 comments
碧綠花枝珊瑚蚌
41 views
0 likes
0 comments
碧綠花枝珊瑚蚌
28 views
0 likes
0 comments
百花釀蟹拑
62 views
1 likes
0 comments
百花釀蟹拑
30 views
1 likes
0 comments
百花釀蟹拑
31 views
1 likes
0 comments
花膠野菌扒翡翠
22 views
1 likes
0 comments
花膠野菌扒翡翠
41 views
1 likes
0 comments
紅燒鮮蟹肉大生翅
14 views
0 likes
0 comments
紅燒鮮蟹肉大生翅
25 views
0 likes
0 comments
紅燒鮮蟹肉大生翅
18 views
0 likes
0 comments
紅燒鮮蟹肉大生翅
14 views
0 likes
0 comments
清蒸海星斑
12 views
0 likes
0 comments
清蒸海星斑
23 views
0 likes
0 comments
清蒸海星斑
29 views
0 likes
0 comments
清蒸海星斑
19 views
0 likes
0 comments
蠔皇原只鮑魚扣鵝掌
24 views
0 likes
0 comments
蠔皇原只鮑魚扣鵝掌
26 views
0 likes
0 comments
蠔皇原只鮑魚扣鵝掌
27 views
0 likes
0 comments
蠔皇原只鮑魚扣鵝掌
33 views
0 likes
0 comments
蠔皇原只鮑魚扣鵝掌
20 views
0 likes
0 comments
當紅炸子雞
14 views
0 likes
0 comments
富貴炒飯
18 views
0 likes
0 comments
上湯水餃
29 views
0 likes
0 comments
蓮子百合紅豆沙、意式泡芙酥
39 views
0 likes
0 comments
Post
