Video
Read full review
2009-09-04
112 views
今日在寧波為老闆興祝生日，真係相當熱鬧，九乘門生都出席．也許是星期天，所以大家都好準時．一大班人坐低，就雞啄唔斷．我作為今次活動半個搞手，幫手點了幾個菜．因為今日準備了蛋糕，過半數係女仔，唔想浪費食物，所以唔係要咗好多野．小吃冷盆要了燻蛋，炸臭豆腐，鹽水鴨，主菜要了黃金蝦，雪菜桂魚同百葉炒菜，還要了家常餅同小籠包．來之前定了獅子頭湯，伙計話係四人份量，所以又要咗個蘿蔔絲鰂魚湯．燻蛋先上，大家都驚嘆怎可做到面熟心不熟．橙中帶紅的蛋心，好吸引，可惜只有咸蛋影子，沒有咸蛋味道，直情得燻香，無味道．但加上華鹽後，味道竟完全不同，好特別．叫臭豆腐時，個個都話試下．點知舉手認投，竟得三隻手．還好不用一人食兩件．．．豆腐上檯時，個個都話臭，唔臭點叫臭豆腐呢．我就覺得件豆腐唔係幾臭，不個都發得幾夠，因為豆腐內有很多小洞．同樣要配上甜辣醬才食出味道．鹽水鴨比之前小食更失色．成碟主打係骨，都分唔出ｄ肉稔定韌，所以早早被大家放棄了．獅子頭湯，一上檯已經分成八份，見唔倒特大獅子頭，失望．第二個失望係，個伙計話唔夠食，所以我地要多一個湯．．．獅子頭其實係一個豬肉菜燉湯，唔係好特別，不過菜真係好稔甜．之後上的主菜
小吃冷盆要了燻蛋，炸臭豆腐，鹽水鴨，主菜要了黃金蝦，雪菜桂魚同百葉炒菜，還要了家常餅同小籠包．來之前定了獅子頭湯，伙計話係四人份量，所以又要咗個蘿蔔絲鰂魚湯．
燻蛋先上，大家都驚嘆怎可做到面熟心不熟．橙中帶紅的蛋心，好吸引，可惜只有咸蛋影子，沒有咸蛋味道，直情得燻香，無味道．但加上華鹽後，味道竟完全不同，好特別．
叫臭豆腐時，個個都話試下．點知舉手認投，竟得三隻手．還好不用一人食兩件．．．豆腐上檯時，個個都話臭，唔臭點叫臭豆腐呢．我就覺得件豆腐唔係幾臭，不個都發得幾夠，因為豆腐內有很多小洞．同樣要配上甜辣醬才食出味道．
鹽水鴨比之前小食更失色．成碟主打係骨，都分唔出ｄ肉稔定韌，所以早早被大家放棄了．
獅子頭湯，一上檯已經分成八份，見唔倒特大獅子頭，失望．第二個失望係，個伙計話唔夠食，所以我地要多一個湯．．．獅子頭其實係一個豬肉菜燉湯，唔係好特別，不過菜真係好稔甜．
之後上的主菜跟小食差不遠．黃金蝦新鮮，只是大量咸蛋黃把味道全蓋過了．極濕又極油的咸蛋蓉．伴飯麵應該不錯，但我們要的是家常餅，還是分開好一點．女生都覺得膩，老闆倒吃得高高興興．
雪菜桂魚比較清淡，雪菜唔係好咸，但僻唔走魚的泥味．百葉炒菜，菜鮮甜，百葉清淡，最適合中場清一清味覺．
蘿蔔絲鰂魚湯，奶黃色，煲得好夠火喉，好清甜又無鯹味．魚雖然煎過，但個湯唔係太多油．蘿蔔絲稔甜好味．是日最愛．
個小籠包一上檯就知道出事，包皮皺成一舊，明明食落有好多湯，點解個賣相咁樣？而且個湯勁咸．最後上的係家常餅，係這裏最出名的，終於對板．個餅底烘到好鬆化，好香口，加上蔥同芝麻提香，是日第二最愛．
食飯時，大家講起今日的菜好特別．同檯有一半人上過寧波工作，但燻蛋，炸臭豆腐，百葉在寧波都未聽過．唔通ｅｄ係本地化咗的寧波菜．
Post
