台風。R

Open Now

Now Closed

今次去咗呢間台風。R食日本拉麵。一入到餐廳就聞到好香嘅豚骨拉麵，望望餐牌選擇唔算多，叫咗個濃厚蟹蝦豚骨湯拉麵（價錢$88 ）。等拉麵嘅途中，留意到呢間餐廳係非常之「宅」嘅：播住搖滾嘅動漫音樂，餐廳入面仲擺設咗好多動漫角色嘅模型盒，相信男仔應該會好鍾意！等咗一陣拉麵就到啦，不過一見到拉麵嗰下有點嚇親，豚肉係粉紅色，好似未熟咁。我將豚肉放入湯入面浸住，隔咗一陣就變返啡色，但係食落豚肉嘅味道麻麻。個湯嘅味道就幾豐富，飲一啖有蟹、蝦同埋豚骨味，不過覺得有啲油。