Video
Read full review
2017-06-12
342 views
香港天氣真係越嚟越熱，有陣時熱到個人都冇乜胃口。口淡淡咁樣，食一碗濕濕地嘅越南河就啱晒啦。其實尋日出開灣仔見到呢一間d人排晒隊已經好想試，今日男朋友有時間就陪我出嚟食嘻嘻。今日七點半嚟到好在有位，因為店仔細細得五張枱。我哋一坐低出邊已經有五六個人排緊隊，好誇張。佢嘅招牌有塊楓葉，原來佢嘅河粉係加拿大嘅口味。工作嘅關係成日飛，都試過唔同國家嘅越南河，印象中加拿大嘅版本湯底就會係少甜，偏濃味d。我哋兩個就叫咗安格斯生牛肉坑腩湯河粉，仲有火車頭湯檬粉。呢度加＄15可以轉set combo包小食同埋嘢飲。咁我哋就叫咗香茅雞翼，香茅蝦餅，再加多兩杯凍嘅越南咖啡（combo+$15）男朋友嘅生牛肉坑腩湯河粉先上，偷飲一啖個湯底，的確係好濃少甜，而且帶有藥材味道。金不換，芽菜，青檸，指天椒分小碟另上。 配料份量雖然冇加拿大咁多，不過都夠。安格斯牛肉好肥美入口即溶，坑腩都煮得好淋，筋膜位好香，唔錯。因為我貪心想食多啲餸所以叫火車頭。我個火車頭嘅份量好大呀！特別係拍落男朋友碗粉度就好明顯。我一個人根本唔會食得晒呀⋯不過大隻仔男朋友會幫我包底既，冇問題！佢上邊有牛丸，安格斯牛肉同埋坑腩。牛丸肉味夠又彈牙
今日七點半嚟到好在有位，因為店仔細細得五張枱。我哋一坐低出邊已經有五六個人排緊隊，好誇張。
佢嘅招牌有塊楓葉，原來佢嘅河粉係加拿大嘅口味。工作嘅關係成日飛，都試過唔同國家嘅越南河，印象中加拿大嘅版本湯底就會係少甜，偏濃味d。
我哋兩個就叫咗安格斯生牛肉坑腩湯河粉，仲有火車頭湯檬粉。呢度加＄15可以轉set combo包小食同埋嘢飲。咁我哋就叫咗香茅雞翼，香茅蝦餅，再加多兩杯凍嘅越南咖啡（combo+$15）
14 views
0 likes
0 comments
男朋友嘅生牛肉坑腩湯河粉先上，偷飲一啖個湯底，的確係好濃少甜，而且帶有藥材味道。金不換，芽菜，青檸，指天椒分小碟另上。 配料份量雖然冇加拿大咁多，不過都夠。安格斯牛肉好肥美入口即溶，坑腩都煮得好淋，筋膜位好香，唔錯。
10 views
0 likes
0 comments
因為我貪心想食多啲餸所以叫火車頭。
我個火車頭嘅份量好大呀！特別係拍落男朋友碗粉度就好明顯。
12 views
0 likes
0 comments
我一個人根本唔會食得晒呀⋯不過大隻仔男朋友會幫我包底既，冇問題！
佢上邊有牛丸，安格斯牛肉同埋坑腩。牛丸肉味夠又彈牙，足料！
9 views
0 likes
0 comments
雞翼蝦餅幾香口
7 views
0 likes
0 comments
越南咖啡夠香夠濃
平時我飲咖啡就唔會叫凍嘅，但呢度嘅湯底實在太夠熱，真係要飲啲凍野平衡下！
呢度最出色嘅真係佢個湯底同安格斯牛肉，下次經過一定會翻食。
Post
