Video
Read full review
2022-01-05
863 views
本來返飲食業好怕收到客既差評，之前出去食飯d餐廳都冇試過俾負評。呢間係我人生第一間咁唔滿意到要寫負評既餐廳。！其他有興趣嘅食客我真係寧願你食其他普通啲平啲嘅餐廳都唔好揀呢間咁嘅嘢去攞氣黎受。！喺K11返工放大嘅時候就選擇左呢一間嘢，估唔到成間餐廳俾人嘅感覺依然係匪夷所思的差。開頭入座嘅時候企門口嘅男同事目無表情，我決定入去食嘅時候就講四個字安心出行噠過嚟。都算，大家都係做飲食業，我唔知係炒檔吵到好攰，費事難為同行啦，發現有啲問題對人太好係唔得㗎。坐低之後去睇個Menu，又只係得一啲貴夾唔飽肚嘅所謂下午茶餐，正常街邊茶餐廳除咗每日嘅茶餐都會有A la carte Menu啦，呢間有咁多分店同埋喺K11入邊嘅餐廳竟然連呢啲最Basic嘅嘢都冇。咁照嗌個蒜頭橄欖油炒辣椒意粉算啦，啲嘢上到嚟真係得啖笑，個碟成兩個頭咁大啲面就得嗰幾啖，唔知仲以為70幾蚊80蚊叫咗啲蒜頭辣椒碎、幾啖面同埋裝飾嘅花花草草同羅勒葉。一個女仔加埋碗羅宋湯都唔夠飽。食完意識到呢個問題就諗住叫隔離落緊嘢飲（塊面圓圓地、帶四方眼鏡、扎住短邊嘅）女服務員幫我拎個餐牌相睇睇有冇其他嘢可以就咁加，結果佢一望到我舉手成個眼神都係唔耐
！其他有興趣嘅食客我真係寧願你食其他普通啲平啲嘅餐廳都唔好揀呢間咁嘅嘢去攞氣黎受。！
喺K11返工放大嘅時候就選擇左呢一間嘢，估唔到成間餐廳俾人嘅感覺依然係匪夷所思的差。
開頭入座嘅時候企門口嘅男同事目無表情，我決定入去食嘅時候就講四個字安心出行噠過嚟。都算，大家都係做飲食業，我唔知係炒檔吵到好攰，費事難為同行啦，發現有啲問題對人太好係唔得㗎。
坐低之後去睇個Menu，又只係得一啲貴夾唔飽肚嘅所謂下午茶餐，正常街邊茶餐廳除咗每日嘅茶餐都會有A la carte Menu啦，呢間有咁多分店同埋喺K11入邊嘅餐廳竟然連呢啲最Basic嘅嘢都冇。咁照嗌個蒜頭橄欖油炒辣椒意粉算啦，啲嘢上到嚟真係得啖笑，個碟成兩個頭咁大啲面就得嗰幾啖，唔知仲以為70幾蚊80蚊叫咗啲蒜頭辣椒碎、幾啖面同埋裝飾嘅花花草草同羅勒葉。一個女仔加埋碗羅宋湯都唔夠飽。
食完意識到呢個問題就諗住叫隔離落緊嘢飲（塊面圓圓地、帶四方眼鏡、扎住短邊嘅）女服務員幫我拎個餐牌相睇睇有冇其他嘢可以就咁加，結果佢一望到我舉手成個眼神都係唔耐煩，自問做飲食業都好怕啲客係咁chur、而我已經盡量將問題減到最低除咗叫落單嘅時候冇問過其他嘢，問有冇其他嘢可以就咁加錢加嘅時候佢嘅答案簡直係惜字如金。
之後佢同帶位嗰位男同事企喺餐廳當眼處篤電話，篤電話都明但完全好似冇睇住個場咁，去到後尾舉手諗住叫埋班嘅時候舉左成分鐘都冇人俾單，後期蚊個頭髮有少少窄嘅男同事想要張單去埋單，結果態度都係差得驚人。之後後尾有位長頭髮攣攣哋嘅女同事見到我舉手話要買單先有人會幫我。
最後嗰位埋單女同事係全個餐廳入邊服務態度最好最正常嘅，雖然我哋成間餐廳淨係唯一一個我覺得值得讚既地方。原本返工放lunch去食飯都冇諗過要有啲乜fine dining嘅待遇，但正常大商場 K11呢d規格既服務都唔至於差成咁。
食完呢次以後真係不了，以前仲以為會有改善、哪怕一丁點都好，點知都係咁unacceptable。一生抵制，只因毫無改進既服務質素同匪夷所思既menu operation 機制。
Post
