鮨幸 (Closed)

見食評幾好諗住去試下新野，點知中晒伏。我們去食lunch, 二人點了會席料理。一心期待會有啲特別菜式，話晒都叫會席料理。點知首先前菜是胡麻沙律，南瓜玉子和炸年藕餅。跟着五款普通過唔普通的刺身和五件壽司，最貴果兩件只係海膽和拖羅，無貝類，蟹或生蠔。再嚟一舊燒吞拿魚和手卷。甜品只有雪糕，轉咖啡要加$10。收每人$810+10%比啲咁嘅貨色個客食, 真係當啲客傻仔，一啲良心都無。咁嘅價錢喺銅鑼灣大把選擇，唔使食完一肚氣。