i CREMERiA (Closed)

一直都好想試呢間既雪糕，但係始終太貴我唔捨得食，見佢限時三日做買一送一，咁岩出開尖沙咀海運大廈，就梗係要黎朝聖試下佢啦，買完就即使影相打個靚卡，個杯好靚，連匙羹都好靚，不過店員服務態度唔太好。九點半關門，九點廿五到，職員話得返基本款可以叫，食唔到白玉果啲有啲失望，點知最令我失望既係雪糕。牛乳味果部份，甜到皺眉，有種死甜既味道，好失望。諗住抹茶應該會好少少啦？見到抹茶粉既顆粉係入面，充滿期待，點知又係勁甜，得丁丁丁丁丁點既抹茶味。真係好好彩有買一送一咋。喉嚨好辛苦無食曬就掉左，然後要馬上飲無糖茶中和，真係無下次，真係好唔得。