Video
Read full review
2022-11-20
239 views
要三個月前先訂到嘅一間人氣下午茶 真係滿心歡喜同帶住期待去品嚐 但真心希望愈大失望愈大。。。雖然環境好好 間隔度充足 光線偏暗嚟營造高貴感 服務員喺我哋坐低後亦細心向我哋講解下午茶嘅選擇 可惜食物質素真係好普通 完全唔值喱個價錢 兩位要1098加10%服務費 以我品嚐後嘅定價起碼要減一半。首先第一款上嘅係䶢點 四款唔同味嘅三文治 佢應該係順住濃淡味道排列 先食蝦 之後係蟹肉柚子 然後三文魚籽配煙三文 再到黑松露鵪鶉蛋 麵包似係平時喺樓下普通麵包鋪買嚟嘅方包質素 已經好影響成件三文治嘅口感 至於佢嘅用料同配搭亦唔見出色同特別 最多只能話用料係新鮮 符合最基本要求 食完除咗最後嘅黑松露味覺得好出之外 其他食時都唔覺得突出到佢嘅食材味 根本喺屋企都無難道能製作嘅質素嚟食完三文治 嚟咗一個小杯 內裏是蕃茄湯配巴馬臣芝士 依杯係出色嘅 味道酸酸同芝士味亦好濃烈 成杯好夾 喱杯係全餐最值得讚賞嘅一款之後嚟甜品 先俾下午茶架 有四款甜品 一款桑莓撻 紅絲絨蛋糕 黑森林薄片 同桃味啫喱杯 四款甜品同出面三四星嘅自助餐甜品供應質素差唔多 應該一講你哋都明白係咩味道 唯一我較喜愛嘅會係黑森林嗰款 朱古力
雖然環境好好 間隔度充足 光線偏暗嚟營造高貴感 服務員喺我哋坐低後亦細心向我哋講解下午茶嘅選擇 可惜食物質素真係好普通 完全唔值喱個價錢 兩位要1098加10%服務費 以我品嚐後嘅定價起碼要減一半。
首先第一款上嘅係䶢點 四款唔同味嘅三文治 佢應該係順住濃淡味道排列 先食蝦 之後係蟹肉柚子 然後三文魚籽配煙三文 再到黑松露鵪鶉蛋
三文治
7 views
0 likes
0 comments
麵包似係平時喺樓下普通麵包鋪買嚟嘅方包質素 已經好影響成件三文治嘅口感 至於佢嘅用料同配搭亦唔見出色同特別 最多只能話用料係新鮮 符合最基本要求 食完除咗最後嘅黑松露味覺得好出之外 其他食時都唔覺得突出到佢嘅食材味 根本喺屋企都無難道能製作嘅質素嚟
食完三文治 嚟咗一個小杯 內裏是蕃茄湯配巴馬臣芝士 依杯係出色嘅 味道酸酸同芝士味亦好濃烈 成杯好夾 喱杯係全餐最值得讚賞嘅一款
蕃茄巴馬臣濃湯
8 views
0 likes
0 comments
之後嚟甜品 先俾下午茶架 有四款甜品 一款桑莓撻 紅絲絨蛋糕 黑森林薄片 同桃味啫喱杯 四款甜品同出面三四星嘅自助餐甜品供應質素差唔多 應該一講你哋都明白係咩味道
唯一我較喜愛嘅會係黑森林嗰款 朱古力味濃 但整體都係質素低下
甜品架
8 views
0 likes
0 comments
然後再為大家奉上任食scone
兩款基本味 原味及提子 好細個嘅
配搭埋兩款果醬 士多啤梨及香橙 仲有個cream 香橙果醬帶點苦 可能連埋橙皮一齊整 果醬都過得去正常發揮 但個cream就扣哂分 一啲奶味都無 係加埋個scone食時先令到個scone出到啲牛油香 scone 嘅質素亦係好普通 雖然都係暖暖地 但牛油同奶香味唔夠 質地亦乾硬同實 唔鬆 完全唔似五星出品 你食完都唔會想refill
scone
3 views
0 likes
0 comments
3 views
0 likes
0 comments
之後會有兩架甜品車車埋嚟俾你選擇同講解 甜品車全部可refill 但整體喱個tea set 都食得飽你嘅 你未必可以refill返 始終甜品都係漏
第一架車有三款甜品加雜莓及醬俾你配搭
有桑莓香檳慕絲 朱古力撻 牛油蛋糕
喱個桑莓香檳係全場最出色嘅一款蛋糕 酸酸甜甜 莓味突出 又帶一點點香檳香氣 亦係唯一想refill嘅一款
朱古力撻就都濃朱古力味 應該用valrhona嚟整 但始終都係無驚艷感
牛油蛋糕都唔駛形容 就係好普通嘅牛油蛋糕
第一架甜品車
7 views
0 likes
0 comments
牛油蛋糕
5 views
0 likes
0 comments
第二架手推甜品車出場
第二架甜品車
9 views
0 likes
0 comments
開心果泡芙
6 views
0 likes
0 comments
榛子拿破崙
12 views
0 likes
0 comments
朱古力貝殼蛋糕
9 views
0 likes
0 comments
果仁朱古力
11 views
0 likes
0 comments
有開心果泡芙 榛子拿破崙 朱古力貝殼蛋糕 檸檬撻 tiramisu 果仁朱古力 服務員話個拿破崙係喱間嘢嘅signature 真係更令我失望 啲皮係淋嘅 唔知擺咗幾耐 雖然有榛子味 但個皮完全唔係拿破崙嘅鬆脆感 唔知係喱個特色還是。。。其他嘅亦不值一提 真係寧願去食其他酒店自助餐都係喱個價同一質素 起碼人哋都仲有其他選擇。唯一可取嘅係佢舊朱古力塊 真係好味嘅
飲品方面 我哋嗌咗一凍一熱朱古力 仲加多一個earl grey tea中和一下 亦係令我哋大失所望 杯熱朱古力三催四請搵咗唔同侍應先肯送過嚟 可能佢哋誤會我哋意思吧？因為餐只包兩款飲品
論味道 凍朱好過熱朱 但凍朱唔係用奶沖成 雖然都好濃味 但始終無咗奶沖嗰種杰身感 同行友人就話水稀稀 唔識欣賞 但我個人認為佢都係好重朱古力味 就算融冰仍不減 只係欠缺奶嘅濃醇感 而杯熱朱就用奶沖成 但明顯朱古力味大減 亦唔夠厚身 茶就正常啦 佢可以不停幫你加熱水refill 。
整體而論 喱間嘢我唔會推介人嚟試 除非你真係重視環境多過食物質素 否則都係唔駛哂喱筆錢 服務亦只係最基本嘅酒店能提供嘅質素 實在名不副實 突出唔到喱間酒店嘅貴氣
Post
