香港地 (Closed)

今日相約朋友係奧海城食午餐，其實本來係想食#OMG 點知原來係香港地拎飛仲要打通的。不過都唔緊要, 二邊野食都可以互點。係門口等佐十分鐘就入得，但安排廚房對出個位…嘈到飛起!!果啲起爐聲炒嘢聲完全係你身邊飛過咁😡不過安排佐就算，因為都知lunch time 都無謂調黎調去。我見到餐牌個午餐係龍蝦湯意粉，仲有牛奶炒蛋多士十分吸引!於是就叫佐呢個。朋友叫佐個肉餅蛋飯。個牛奶炒蛋黎到我真係O 曬咀…細到咁!?我影果張係我近鏡影到好似好多，或者係因為塊包都係細…所以望落成件事好似好大件，但錯曬!!龍蝦湯意粉的確好龍蝦，但份量少食完好似無食完全唔夠飽😤😤朋友果個肉餅飯就還好，真係大大份，黑椒汁唔算濃，肉餅好厚身都好入味。呢個唔跟餐野飲另計，二個人加埋成佐一百三十蚊……完全唔值。下次唔會再黎。