香港地 (Closed)

去食晚餐, 嚟咗兩個中湯, 之後主菜等咗45分鐘食物都未到, 追極都未嚟, 新叫既外賣又係咁出, 嘥時間, very bad service. 最後決定走, 佢話唔駛收錢. 唔係錢嘅問題, 係冇服務, 冇交代, 趕客, 嘥時間.

想分享幾個在奧海城分店買外賣的不愉快經歷。1、某個週末在美心香港地買外賣，竟然等了30 分鐘都未有，再等多一陣，終於忍不住再去問職員請她跟單，另一個準備收工的收銀員才走出來說，會不會是這個啊-原來外賣不是放在平時會放的收銀處旁的桌上，而被放在門口拿籌那邊的架上＝＝害我白等了45分鐘，乾炒牛河都變凍了！2、有一次去買外賣，有個中年男職員站在收銀處，我表示想下單買外賣，他超聲大夾惡地叫我等等，半點禮貌都沒有，然後他自己就繼續在收銀處唔知做咩，待我呆站了5分鐘後才幫我下單，而且還落少左備注（我要星洲炒米小辣，他沒幫我叫小辣，平時那個阿姐會落的），全程沒有說謝謝或不好意思讓我等了，態度就是超兇。3、今天下午去拿外賣，收銀員在忙著收錢，沒有理我，當時還有另外好幾個中年女職員擠在收銀處裡聊天，其中一人望到我，也聽到我說來拿外賣，但她就是沒有理會我，轉頭繼續和其他員工吹水。這樣的工作態度實在令人訝異。我見到美心香港地的FB Page 這幾年也有不少投訴他們服務差的帖子，open rice 也有不少類似反映他們服務態度很惡劣的評價，但美心皆沒有回應，似乎美心是一點都不重視其服務態度的質素和顧客的fee

一路都覺香港地質素幾好，第一次叫外賣，叫左頭抽和牛炒河同墨魚春卷魚湯魚腐湯河。炒河夠味夠穫氣，賣相精緻吸引，不過牛肉就唔太多，至於湯河就不過不失，河粉偏乾同硬，但春卷同魚腐都好食！2個餐份量都夠飽肚。外賣包裝企理衛生

在奧海城行左陣街，買完戰利品後，財散人安落，甘慳慳地去香港地食個下午茶好彩黎得快，可以坐大枱，坐得好舒服，好快有餐牌研究下點樣叫我叫左魚蛋墨魚卷河粉走蔥，魚蛋是白魚蛋，墨魚卷唔錯，河粉有少少黏在一起，整體算係甘啦老公叫了滑蛋蝦仁炒飯，佢覺得汁算多，可以拌飯，蝦仁份量算多，但滑蛋就少左，炒飯都夠乾身，以下午茶而言其實都夠食。仲有得配小食，薯條同雞翼，薯條幼身，食落都熱既，雞翼其實一隻，不過開邊就易食的奶茶出奇好飲，夠滑而有茶味

第一次黎呢間香港地茶餐廳食午餐，唔使等位直入！打開餐牌都有幾多選擇，餐牌我見有燘飯，我就叫咗窩蛋牛肉燘飯($65) ，加10 蚊配碟油菜同4蚊配熱奶茶，共$79，上檯熱辣辣好大煲好香！D牛肉粒都幾多幾嫩滑！話咁快就食晒！杯奶茶唔錯茶味夠濃幾好飲！推介！！

美心香港地不嬲都係我中午午餐既好去處，都去左大概兩年，但今日食飯既經歷實在令我太失望，不得不去表達一下己見希望可以改善😑今日叫左個仿鮑片帶子炒飯，配熱奶茶，侍應十問九唔認，扮睇我唔到都算，但今日來個炒飯竟然等左30分鐘，但個飯無味，勁淡，之後食帶子，發覺味道有啲怪，有點酸酸地，咁我食多兩粒啦，都係同樣問題，但我實在無時間再叫佢地換過碟俾我，衝衝食完就算。。。唉，明明以前都無咁差，極希望佢地響多方面作出改善！🌚

中午時間同朋友來快食個lunch，大約12:30來到，已經有人在門口攞飛等位......等左大約10分鐘左右有位，坐低聞到餐牌有陣嗅味......好扣分 感覺唔衞生......我叫左個米線 份量非常少 😩😩😩正常人唔會夠飽味道正常.......朋友叫左雞扒意 份量非常足👍🏻👍🏻👍🏻 朋友讚味道比想人像好 😚餐廳支持無飲管，支持環保👍🏻👍🏻👍🏻👍🏻如果要飲管都會俾到紙飲管快食都算可以 但唔建議叫米線類

第一次試下美心旗下既香港地。聽朋友講，食物出品係唔錯既。既然有美心呢個品牌效應，心諗唔會唔得掛。今日中午就去左奧海城呢間。由門口㩒電腦攞飛（攞完之後，坐喺傍邊個收銀亞姐先至出聲講話唔洗攞飛，自已入去有位就坐低...），到坐低左想搵個亞姐執一執枱（上一枱客啱啱食完出左去埋單），成個過程俾我覺得喺樓面係完全冇人做嘢既...嘗試叫行過既亞姐亞哥執枱、落單，佢地一係唔啋我，當睇我唔到，一係就覆我話佢唔識落單...再望一望，啊，原來喺最入面有一枱4-5個員工用饍中，難怪... 心諗：成12點打後，都唔早架啦...最尾，終於都截住左一位亞姐幫忙成功落單（如果呢次都落唔到單，都有諗過放棄...）。其實呢，落左單之後既體驗，就回復「正常」喇，我地叫左豬扒餐、麵餐嗰啲，出餐時間同質素都可以架，真係輸左喺招呼服務嗰度。

平時都喜歡到呢度食，不過今次真係令我大失所望！今曰星期六朝早，諗住食個靚早餐，一於去奧海城的”香港地”。取了籌，諗住正常地排隊等候入座。等呀等，等呀等，發現唔對路，即使取了籌，冇人接代你。冇籌的，職員竟然接代冇攞籌的人直入攞枱，咁點解要攞籌排隊了？問負責人，佢話人手不足，但係職員係有，不過只係接代冇攞籌的人，而不是接代正常攞籌排隊的人。咁你奧海城的”香港地”，仲咩要set部排隊機要人擺籌，但又唔理我呢？Angry到爆！

昨日第一次去奧海城的香港地食晚飯, 第一感覺是: 冷氣唔夠涼。 但由於餐廳有位, 小朋友又肚餓，於是我地一家三口就坐低了。見到餐牌的食物相片賣相唔錯，由於第一次食, 又因為香港地有JOIN 美心集團的APPS, 我以為要出去cashier 俾錢買食物，我問餐廳職員，點知哥仔話氣唔好咁講:  「我地唔係快餐店，係揾人落單的!」 點完菜，我地叫咗兩杯 (維他奶沙冰) 俾我2個仔， 另一個侍應拎沙冰上枱時，竟然同我講:  「我覺得你真係好怪， 唔會有人叫2杯一樣味道的沙冰， 通常人地會叫唔同口味， 我覺得你好怪!!!」 我真係俾呢個侍應嚇了一跳。  ... 乜顧客唔可以叫兩杯一樣口味的飲品嗎?  我叫相同口味的飲品係好怪嗎?....我唔會再去幫襯呢間香港地...

今日下午是第二次來這間香港地，但以後也不會再來，因為職員服務態度差劣，食物質素亦貨不對辦，實在難以接受。我們一行三人坐低之後叫咗3個午餐，唔够2分鐘個重量級豬扒飯送到，但重量級厚豬扒變咗普通簿豬扒，不特止，啲飯又凍又硬，隔夜冷飯一樣，我們即刻同個女侍應反映，個阿姐聽完之後咩都冇講，轉頭走咗，我們打咗個突，幾分鐘之後黎咗另一個男侍應，我同佢再講了一次：d飯又凍又硬....但個男侍應一句唔好意思都冇講，直接攞起碟飯，然後同我地講：「點過另一個餐囉」，嘩，完全冇得選擇架喎，直接要我地叫過另一個餐，冇諗住換過碟豬扒飯嘅，⋯⋯其間不停吹促我地點餐，黑口黑面，態度極差。總之，今日係最後一次。呢間所謂嘅香港地，唔好影衰香港啦，簡直衰到貼地。

作為一名健身教練, 收早咪去健身囉今日早左收就去食個tea跟住做gym, 去左美心香港地。鮮牛肉蛋治牛肉+蛋, 蛋白質get! 運動前不要餓亦不能過飽, 食份三文治就岩岩好啦三文治份量ok, 如果個麵包可以微微烘一下咁就更好。有厚度, 有一下心諗會唔會係掩眼法, 即係得條邊有厚蛋, 入面係空心個種! 拿拿臨打開望下, ok無被騙! 正常份量黎既 味道唔錯啦始終三十幾蚊茶餐三文治無特別expect d乜野。凍鴛鴦普通野, 凍飲加4蚊, 貴過出面。

老婆指定要食湯飯～好彩呢間有得買咋！尋美仨鮮湯飯$78都幾大碗喎！份量兩個人食都夠！魚湯底，不過似味精湯～食完好頸渴！有兩塊蝦餅、幾粒青口、兩塊魚、仲有炸魚皮、菇同蔬菜～都幾豐富！湯飯仲有另外兩款見到呢款咁得意又要試吓先！濃朱古力沙冰奶$38好大杯！朱古力味都幾濃，上面鋪左啲好似係啊華田粉，一路飲上面啲維他奶就會跌落嚟～都幾好飲！仲有紅豆同士多啤梨味！M5澳洲和牛炒河粉$62有點失望，冇鑊氣～牛肉同平時茶餐廳差唔多，唔覺得係澳洲和牛⋯啲河粉好碎，一夾就散晒！咖喱豬扒飯兩大塊豬扒炸得好香口，咖喱偏辣～跟餐嘅凍奶茶，茶味香濃夠滑！呢度仲有粉面食～都幾多選擇！

食個午餐，落單無心裝載，要隻碗講左3次，每個員工都話好，但無一個行動，當然最後我地都係無碗用，只好就咁啦，都唔好意思再叫了整個午餐過程，見盡員工為其他客人落錯單，送錯枱，玩手機聊天。這個價錢不要太高要求。btw,食物可以的。

安在家中就可以享用美食有外送服務真係岩哂懶人可以係屋企慢慢揀有咩心水食物。叫咗招牌紫菜五寶魚湯米線🍜 外賣最重要係包裝，分湯的+1分另外炸物都會分咗上上層，好細心。而魚蛋魚片紫菜就會放下層浸住湯魚腐外層脆入面鬆軟，有點超出預期，好食！因為平時魚腐外層唔會脆都係軟林林。而墨魚春卷都好鮮味，有少量墨魚粒粒，唔係淨係得麵粉。煎鯪魚餅就太過硬同好鹹魚蛋同平時食開的一樣，沒什麼特別。湯底是奶白色的鮮魚湯，這個不錯，鮮味十足